NLAÑANE BÔT 20 - Kalate Zambe Nnomo a Mfefe Mfefé Nkôñelan

Awu Miriam, mendime ya Mériba, melebe me Môze

¹ Ekôane bôt ése ya bone b'Israél be nga kui e *nkôte si ya sin e ngon ôsu a bôt be nga tabe e Kadés. Vôm ate nye Miriam a nga wu a e nne fe a nga jambe valé.

² Bôt be nga yi mendim; nde be nga sulane na ba tebe Môze ba Aron e ngame yat.

³ Bôt be nga jeñe Môze ntañete be jô'ô na: Ngo'é nge bi too ye wu na Nti! Emien a bibi bia bia be bobejañ.

⁴ Amu jé mi nga zuu bia e *nkôte si wu, e bia bi ne ayoñe bôte Nti? Ye amu na bi mane zu jañ a mimbame biyeme miangan'

⁵ Amu jé mi nga vaa bia Ejipte? Ye asu ya zuu bia angônda vôme nyô? Teke jôm be ne bé va, e vana teke bilé bi figié, nge mindi'i mi woon nge bilé bi grenadié, mendim mebiene ya nyu momo.

⁶ Nde Môze ba Aron be nga kôlô e vôme bone b'Israél be nga too a ke anyiine *nda éndelé bendôba'ane, a ku mesu me buti si. Ane étôto'o Nti é nga yené e be be,

⁷ nde Nti a nga jô Môze na:

⁸ Nyoñe ntume wôé a sulane bone b'Israél; wo ye kobô akôme di bebien be lôô, a da ye ve mendim; yaa wo ye bo na mendim me vam akôme di a ve bone b'Israél a mimbame miabe mendime ya nyu!

⁹ Nde Môze a nga ke nyoñe ntume wé e *nda Nti, avale a nga nyoñ abendé.

¹⁰ Nde baa Aron be nga loon ékôane bôt, be tebe ôsu ya akôme Nti a nga jô de a kate be na: Vô'ôla'an a mia bebene njôan! Ye bi ne nguleya kuli mia mendim me so'o akôme di'

¹¹ Nde Môze a nga bete wo a bibi akôm biyoñ bibaé a ntume wé. Awolo te ebien nde abui mendim é nga vam akôme te, a bone b'Israél be nga bo nguleya vaa évé jap, nalé fe mimbame biyem.

¹² Ve Nti a nga jô Môze a Arone na: Mi nji ke tabe ma ndi, mi nji ke jô'é na étyi jam é yené e mise bone b'Israél! Ajô te ñhe saa fe mia mia ye wulu e bôte ba a kui be e si ma ve be

¹³ Mfa'a ya beta jam ate, ba kobô ajô mendime ya Mériba, e ne na, mendime ya ntañete, amu bone b'Israél be nga jeñe Nti mintañete, ve Nti a nga belan éyoñe te mfa'a ya liti étyi jé.

Bone b'Israél ba kômbô tulan e sii bone b'Edom

¹⁴ Israél a too Kadés, nde Môze a lôme minlôman e be njôô bôte ya Edom be jô nye na: Avale di monyoñ, Israél, a jô na: Wo yem minju'u mise mi kuiya be bia.

¹⁵ Betate be nga ke Ejipte, a bi nga tabe wé a ayap. Ve bôte y'Ejipte be nga tibili bia, biabebien a b'ésaa bangan.

¹⁶ Nde bi nga yôn e be Nti, ane a nga wô'ô tyiñe jangan a lôme éngele wé a vaa bia Ejipte. Ajô te bia bi ne Kadés dene ba, tisone ya aku'u da ya si jôé.

¹⁷ Ma kômbô lôte si jôé; bia ye bo te tyii e mefube bidi été nge mefube mindi'i mi woon, a bia ye bo te nyu mendime ya menjeñ me ne mfa'an; bia ye tôñe nnôma *zen, teke yale mbo nnôm, nge mbo ngal, akekui bi maneya lôte si jôé.

¹⁸ Nd'Edom a nga yalane nye na: Woo ye ke lôte be ma! Nge mi ve'ele zu lôt, ma ye bo mia bita!

¹⁹ Nde bone b'Israél be nga jô nye na: Bia ye tôñe ve *zen étam; nge bia nyu mendime môé, mamien a mimbame biyeme miam, ma ye ya'an; ajô é nji ke bo valé; jôké'é ma me lôte v'a mebo.

²⁰ Nd'Edom a nga yalane na: Woo ye ke lôt! Nd'Edom a nga ke tôbane nye a beta nsamba bôte mewosan.

²¹ Ajô te Edom a nga bene na Israél a lôt e si jé, nde Israél a nga tyii zene fe.

Awu Aron

²² Ane Ekôane bôt ése ya bone b'Israél be nga kôlô Kadés a kui e nkôle Hor.

²³ Ane Nti a nga jô Môze a Aron e nkôle Hor, e nné si Edome na:

²⁴ Aron a mbeme wu. E ne bebela na, a ye bo te nyiin e si ma ve bone b'Israél, amu mi nji ke bo abendé dame mewôk anjeñe ya Mériba.

²⁵ Ajô te a ntoo ve nyoñ Aron a mone wé Eléazar a bete be e nkôle Hor.

²⁶ Va'a Arone biôme bié a jalé bie Eléazar e mone wé. Vôm ate nye Aron a ye nyoñeban a wu.

²⁷ Ane Môze a nga bo avale Nti a nga bendé nye. Nde be nga bet e nkôle Hor ékôane bôt ése é lôô.

²⁸ Ane Môze a nga vaa Aron mengômesane mé a jalé me mone wé Eléazar. Nde Aron a nga wu vôm ate, abôbône nkôle yôp. Môze ba Eléazar be nga ke e nkôle si.

²⁹ Ekôane bôt ése é nga yene na Aron a wuya, nde *nda bôt Israél ése é nga yôn Aron tañe melu mewôm mela.