NEHEMIE 7 - Kalate Zambe Nnomo a Mfefe Mfefé Nkôñelan

Nlañane bôt be nga bulan e si ya Yuda

¹ Eyoñe mfin ô beteya mane lôñeban, a ma ki me maneya yemete bivine ya mimbé, nde be nga telé beba'ale mimbé, beyia bia a Belévit e bisaé biap.

² Me nga ve mebendé mam e be mojañe wom Anani, nalé fe e be Anania, nteb'ôsu ya *nda mengale ya Yérusalém, a too bôt abui ôsu amu mbamba ntabane wé a amu a nga ko Zambe woñ.

³ Me nga jô be na: Mimbé ya Yérusalém mia ye bo teke diiban éyoñ ayôñe jôp é ngenan te bo, a ba ye fete mimbé a mengôñ mi too; bôte be too Yérusalém ba ye ba'ale nlam, môt ase e vôme wé, a môt ase ôsu ya *nda jé.

⁴ Tison é mbe ndam a anen, ve teke bôt abui; menda fe me mbe teke nlôñan.

⁵ Nde Zambe wom a nga futi ôsimesan e nleme wom été ya sulane benya bôtô, bivet a jama bôte na me lañe be. Me nga yene kalate bindane bi bôt be nga taté bet, a koone ntilane na.

⁶ Bôte ya éfuse si ya Yuda be nga so minkôm, mbe Nébukatnétzar, njô bôte ya Babilôn, a nga kee be, a mbe be nga bulan e Yérusalém a e Yuda, môt ase e tisone jé.

⁷ Be nga so ba be Zôrôbabél, Yasua, Néhémie, Azaria, Raamia, Nahamani, Mardôsé, Bilkan, Misperét, Bignayi, Nehum, Baana. Tañe befame ya bôte y'Israél:

⁸ bone be Paréôk: 2172;

⁹ bone be Sefatia: 372;

¹⁰ bone b'Ara: 652;

¹¹ bone be Pahat-Môab, ba be Yasua a ba be Yôab: 2818;

¹² bone b'Elam: 1254;

¹³ bone be Zatu: 845;

¹⁴ bone be Zakayi: 760;

¹⁵ bone be Binuyi 648;

¹⁶ bone be Bebayi 628;

¹⁷ bone b'Azgad 2322;

¹⁸ bone b'Adonikam 667;

¹⁹ bone be Bignayi 2067;

²⁰ bone b'Adin 655;

²¹ bone b'Ater ya *nda bôte Ezékias 98;

²² bone b'Akum 328;

²³ bone be Bétsayi: 324;

²⁴ bone b'Arif 112;

²⁵ bebialébialé ya Gabaoñ 95;

²⁶ bôte ya Bétléhém a Nétôfa 188;

²⁷ bôte y'Anatot 128;

²⁸ bôte ya Bét-Azmavét 42;

²⁹ bôte ya Kiryat-Yearim, Kefira a Beérôt 743;

³⁰ bôte ya Rama a Géba 621;

³¹ bôte ya Mikmas 122;

³² bôte ya Bétél a Ayi 123;

³³ bôte ya Nébô mbok 52;

³⁴ bôte ya Elam mbok 1254;

³⁵ bôt b'Arim 320;

³⁶ bôt be nga so Yérikô 345;

³⁷ bôt be nga so Lôd, Adid a Onô 721;

³⁸ bôte be nga so Séna 393o;

³⁹ betuni: bone be Yedaéya, e ndaa Yasua 973;

⁴⁰ bone b'Imer 1052;

⁴¹ bone be Pasur 1247;

⁴² bone b'Arim 1017.

⁴³ Belévit: bone be Yasua a Kadmiél ya bone b'Ôdva 74.

⁴⁴ Beyia bia: bone b'Asaf 148.

⁴⁵ Beba'ale mimbé: bone be Salum, Ater, Talmon, Akkub, Atita, be Kôbayi 138.

⁴⁶ Benétinieñ: bone be Siya, Asufa a bone be Tabaôt.

⁴⁷ Bone be Kérôs, ba be Sia, bone be Padôn.

⁴⁸ Bone be Lebana, bone b'Agbaba, bone be Salmayi;

⁴⁹ bone b'Anan, bone be Gidél, bone Gahar,

⁵⁰ bone be Reaya, bone be Retsin, bone be Nekôda,

⁵¹ bone be Gazam, bone b'Uza, bone be Paséa.

⁵² Bone be Bésayi, bone be Mehurim, bone be Néfiksim,

⁵³ bone be Bakbuk, bone b'Akufa, bone b'Arur;

⁵⁴ bone be Batlut, bone be Mehida, bone b'Arka,

⁵⁵ bone be Barkôs, bone be Sisera, bone be Tama.

⁵⁶ Bone Nétsia, bone b'Atifa,

⁵⁷ bone bebo bisaé be Solômon: bone be Sôtayi, bone be Sôférét, bone be Périda.

⁵⁸ Bone Yaala, bone Darkôn, bone be Gidél,

⁵⁹ bone be Sefatia, bone b'Atil, bone be Pôkérét-Atsebayim, bone b'Amon,

⁶⁰ Benétinieñ bese a bone bebo bisaé be Solômon 392

⁶¹ Bana be ne bôt be nga so Tél-Méla, Tél-Arka, Kerub-Adôn a Imér, mbe be nga kate liti na *nda bôte jap a mvoñe bôte jap be mbe Israél:

⁶² Bone be Delaya, bone be Tôbiya, bone be Nékôda 642

⁶³ Ba ya betuni: bone b'Ôbaya, bone b'Akôt, bone be Barsilayi, nyô a nga lu'u ngone Barsilayi môte ya Galad, a nye a nga yôbane jôé dap.

⁶⁴ Be nga jeñe bindane biap, ve teke yene bie. Ajô te be nji fe beta saé ésaé betuni.

⁶⁵ Ngovina a nga jô be na be bo te beta di biôm bia dañ étyi, akekui *ntuni éziñ a tatéya yemelan nkômbane Zambe a zene ya Urim a tumim.

⁶⁶ Bôte bese be mbe 42360.

⁶⁷ Te lañe bebo bisaé bap be ne befam a ba be ne binga tañe bôte 7337. E bôte bete été beyia bia, befam a binga, be mbe 245. Bikabela bi mbe 736, bemulé 245;

⁶⁸ bekamel 435 a bijakase 6720.

⁶⁹ Abui minlô ya menda me bôt mi nga ve biôm asu bisaé melôñ. Asu nkobe ya melôñ, ngovina a nga ve bedrakme be or toyini; bilaé mewôm metan; melô'ô, asu betuni, mintete mitan a mewôm mela.

⁷⁰ Minlô ya menda me bôt mi nga ve bedrakme be or toyini mewôm mebaé asu nkobe melôñ a bemine be argent toyini ébaé a mintete mibaé.

⁷¹ Bôte bevo'o bese be nga ve bedrakme be or toyini mewôm mebaé, bemine be argent toyini ébaé a melô'ô betuni mewôm mesaman a zamgbwa.

⁷² Betuni a Belévit, beba'ale mimbé, beyia bia, bôte ya ayoñ, Benétinieñ a Israél ase, be nga tabe bitisone biap.