NEHEMIE 10 - Kalate Zambe Nnomo a Mfefe Mfefé Nkôñelan

Ntiñetane mewôk be Zambe

¹ Amu mam mese me maneya kui e be bia, nde bia nyoñe ngume ntyi'an a ba'ale wô ntilan. Biyôlé bivete biangan, Belévit bangan a betuni bangan bi ne ntilan e bekalate bete été.

² E bekalate bete, wo ye koone na: Néhémie Ngovina, mon Akalia, Sedékias,

³ Seraya, Azaria, Yérémi,

⁴ Pasur, Amaria, Malkiya,

⁵ Atuk, Kebania, Maluk,

⁶ Arim, Merémôt, Abdias,

⁷ Daniel, Ginetôn, Baruk,

⁸ Mesulam, Abiya, Miyamin,

⁹ Mazia, Bilgayi, Semaéya, betuni.

¹⁰ Belévit: Yasua mon Azania, Binuyi ya bone b'Enadad, Kadmiél,

¹¹ a bobenyañe bap Kebania, Odiya, Kelita, Pelaya, Anañ,

¹² Mika, Rehôb, Akabia,

¹³ Zakur, Kérébia, Kebania,

¹⁴ Odiya, Bani, Beninu.

¹⁵ Bivete y'ayoñ: Paréôk, Pahat-Môab, Elam, Zatu, Bani,

¹⁶ Buni, Azgad, Bebayi,

¹⁷ Adôniya, Bignayi, Adin,

¹⁸ Ater, Ezékias, Azur,

¹⁹ Odiya, Akum, Bétsayi,

²⁰ Arif, Anatôt, Nébayi,

²¹ Magpiak, Mesulam, Ezir,

²² Mekézabil, Sadok, Yadua,

²³ Pelatia, Anañ, Asaya,

²⁴ Yôsé, Anania, Akub

²⁵ Aloyék, Pilya, Kôbék,

²⁶ Rehum, Akabina, Maséya,

²⁷ Ayiya, Yanañ, Anañ,

²⁸ Maluk Arim, Baana.

²⁹ Bôte bevo'o y'ayoñ, betuni, Belévit, beba'ale mimbé, beyia bia, Benétinieñ a ba bese be nga kandane *meyoñ bikuu na ba tôñe metiñe me Zambe, binga bap, bobefame bap a bobebinga bap, ba bese be ne ngul mfa'a ya ñyeman a atyeñ,

³⁰ ba lat a ba ya bobenyañe bap ba dañe bi ésemé. Ba tiñeti a nkanane ngana, a ba kalane minkale na ba zu wulu e metiñe me Zamb'été, mme a nga kalane Môze mbo ésaé Zambe, a ba'ale a bo mebendé me Nti wongan mese, minjôane mié a memvinda mé.

³¹ Bia tiñeti na bia ye bo te ve bengone bangan e be bôte ya si bi too, nge lu'u bobefame bangan bengone bap;

³² bia ye bo te kuse jôme môse *sabat a mimôse *mebôk e be bôte ba ye soo akum a bidi ya kuan e môse *sabat. Mbu zamgbwal'ôse, bia ye ve si awo'on a bo te sili ñya'ane mvôla éziñ.

Mame ya nkañan

³³ Bi veya fe biabebiene mebendé ma yemete bia na bi ve ngabe jia ya sikel nkabane ngab'éla, mbu ôse, asu ésaé ya ndaa e Zambe wongan.

³⁴ Asu belet é ne nta'ane minnoñ, asu mimveane y'éyoñ ése, asu mveane ngumba, wo boban éyoñ ése e mimôse mi Sabat, asu meté me ngon a beta *mebôk, asu biôm bi ne ntelan étyi, asu biôm ba tyik amu *abé, mfa'a ya bulu Israél nsem, a asu jam ése da boban e ndaa Zambe wongan.

³⁵ Bia te bo *asimba, betuni, Belévit a bôte bevo'o bese, asu nja'a bia yiane soo je mbu ôse ane mvean e ndaa Zambe wongan, aval ane menda me bôte mangan me né, a mingume biyoñ, nalé ba ye di'i je ata'a metuna'a yôp, aval e ne ntilan e kalate metiñ.

³⁶ Bia te tiñeti na mbu ôse, bia ye soo *bembômô ya si jangan a *bembômô bibuma bese ya bilé bise e ndaa Nti;

³⁷ bi tiñetiya fe na bia ye soo mintôle ya bobefame bangan, a mintôle ya mimbam biyeme miangan asu betuni ba bo ésaé e ndaa Zambe wongan aval e ne ntilan e metiñ: mintôle ya mimbam biyeme miangan mi ne anen a mi ya mimbame miangan mi ne tyôtyoé;

³⁸ a na bia ye soo betuni *bembômô ya ébase fône jangan, a mengap bi nga ke bia vaa e biôme biangan été, bibuma ya bilé bise, mfefé woon a mbon a naane bie bitune menda ya ndaa Zambe wongan, a ve fe Belévit ngab'awômô ya si jangan. Belévit bebien ba yiane nyoñe je e bitisone bise bi ne e mesi bia bé bidi.

³⁹ *ntuni Ya mvoñ Aron ba be Belévit ba ye bo nsamba éyoñe Belévit ba ye zuu ngab'awômô ya mengab'awômô e *nda Zambe wongan, e bitune bi *nda ba ba'ale akum.

⁴⁰ Amu bone b'Israél a Belévit, ba ye zuu ngabe ya be nga vaa e bitune menda bite: fôn, mfefé woon a mbon; biôm bite bi ne biôme ya vôm a n'étyi, vôme betuni ba bo ésaé, beba'ale mimbé a beyia bia ba tebe. Eyoñe te bia ye bo te li'i *nda Zambe wongan bilik.