MIKÉ 6 - Kalate Zambe Nnomo a Mfefe Mfefé Nkôñelan

Nti a bili ajô a bôte bé

¹ Vô'ôla'an e jame Nti a jô! A bendé me na me suñ ajô dé, me kate de tyiñe yôp. E vôme beta minkô a bone minkô be né.

² Vô'ôla'an ajô Nti a bili a mia minkô! A mia mimbôka'a mi si mi ne te tyendé, ajô Nti a bili a e bôte bé nde di! A bo nkat ajô ba Israél.

³ A bôte bam, me nga bo mia jé' Me nga ve mia ate'e nyôle vé' Yala'ane ma!

⁴ Ye nsoone me nga soo mia Ejipte' Ye *nkôtan me nga kôté mia *nda belo' Ye *nlôman me nga lôme mia belitizen: Môze, Aron a Miriam'

⁵ A bôte bam mi simesa'ane ñhe e jame Balak, njô bôte ya Môab a nga bôndé, éyalane Balam e mone Béor a nga yalan.

⁶ Ma ye tebe asu Nti me bili jé mo' Ye vitibi ôsu Zambe a ne yôb été nga' Ye ma ye tebe asu dé me bili mimvean mia di'ibane ngumba' Me bili bitoñ benyak bi ne mbu wua'

⁷ Ye Nti a yi betoyini beyôm mintômba' Bizu'u bi atôñe mbon' Ye ma ye ve ntôle monafame wom asu ma'ane ya mbia nlô wom' Mone ya minsône miam asu *abé dame mamien'

⁸ A môt, be litiya wo Jam e ne mvaé, jame Nti a sili wo e ne ve na: Nsemane nya ntyi'ane mejôô, nye'ane ya bo mvaé, a ntôñane zene Zambe wôé a liti wo.

Yérusalém a nyoñe * melep amu ékotekote ntyi'ane mejô e zañe bôt

⁹ Tyiñe Nti ja loone tison, a ye nyii ba ba ko jôé dé woñ. Vô'ôla'an, a ayoñ a ékôane bôte ya tison,

¹⁰ ye me ne nguleya jibi mame ma: *nda abé, akum é ne mvin, ôvek ô n'ések a biyo'é'

¹¹ Ye me ne jamé: asu minlôt mi n'ékotekot, a nkuta be maneya vaa bekili'

¹² E tisone minkukum y'été mi ntoo njalan a mboone *nkpwala, a e bôt be too été ba kobô nkobô mekut e menyu mab été, ôyeme viap ô ne ve medu'an.

¹³ Ajô te me nga bo wo na ô kon, amu mbane ya bôme wo, amu mbane ya sa biôme biôé, nalé a too v'amu *abé dôé.

¹⁴ Wo wo ye di ve te nguleya jaé. Mfumbale zaé a ye kôm éto be wo. Wo ye naane biôme fefe, ve te nguleya ba'ale bie; jôme wo ye ba'ale, Nkpwaté mekôn wo ye bi je.

¹⁵ Wo ye bé bidi, ve teke kôane bie. Wo ye bu bikañ, ve teke wobane mbon, wo ye miate bibuma bi ndik ve teke nyu woon.

¹⁶ Wo ba'ale memvinda me Omri, a mimboon mise *nda Akab é nga bo. Mia wulu e mefe'e mab été, ajô te ma ye bo wo ne sangaññ. Mia bôt mi too Yérusalém, mia ye bo éwovioé, a ôson wo ye bi bôte bam bese, wo ye fe bi Yérusalém.