MIKÉ 5 - Kalate Zambe Nnomo a Mfefe Mfefé Nkôñelan

Bétléhém, tisone njô bôt a ne nyii bôt

¹ Mfa'a wôé, a Bétléhém Efrata, wo ô ne tyôtyoé ézezañe betoyini ya Yuda été, nyô a ye bo njôô Israél a ye so be wo asu dam. Tine jé ja so ôyabe mvus, e melu ya nnôm éto.

² Ajô te Nti a ye li'i bôte bé, nté a yange na minga a yiane biaé a biaé monafam, éyoñe te *mebuka'a bobenyañ ma ye beta zu be bone b'Israél.

³ A ye tebe a ve be bidi a ngule Nti, a éjijine ya jôé Nti, e Zambe wé; a ba ye bi étaba'a ya buni éyoñ ése. Amu ataté éyoñe ji, a wum a kui meku'u ya *si nyô.

⁴ Nye a soo *mvo'é! Eyoñ Beasirieñ ba ye zu e si jangan, a nyiine menda bejô bôte mangan, bia ye telé nye beba'ale mintômba zamgbwa, a bivete y'ayoñ muam e ngame yat.

⁵ Ba ye jôô si y'Asiri a nkpwaté mekôn, a sii Nimrôd e mimbé mié été. Nalé a ye kôté bia be mon Asirieñ, éyoñ a ye zu e si jangan, a éyoñ a ye nyiin éfuse si jangan.

Mebuka'a y'Israél e * meyoñ été

⁶ Mebuka'a me Yakob ma ye bo e zañe jama meyoñ ane mfô mendim a so be Nti, ane mendim me ne bilok, nge timbi e be bôt.

⁷ Mebuka'a me Yakob ma ye bo e zañe *meyoñ, e jama *meyoñ me bôt été, ane ngbwengbwem ézezañe betite ya fé, ane étoñe ngbwengbwem e mbam mintômba a bikela été; éyoñ ja lôt, ja tibi a nyap, a teke môt a nyii.

⁸ E wo wôé ô beteba'ane be besiñe bôé, a besiñe bôé be ntoo ve wôéban!

Nti a ye tyame biôm Israél a buni

⁹ Môs wo zu, nalé Nti a jô, ma ye vaa bikabela biôé ézezañe jôé;

¹⁰ ma ye vaa bitisone ya si jôé; a ma ye tyam aleme dôé;

¹¹ ma ye vaa mam me ngbwee e mo môé; a wo ye bo te beta bi bebo majik;

¹² ma ye vaa bengunemelan a bengunemelan be ne kpwelan ézezañe jôé; a wo ye bo te beta kute meboñe si ôsu ya biôm ô nga bo a mo môé;

¹³ ma ye findi mekôn m'akéra môé ézezañe jôé, a ma ye tyame bitisone biôé.

¹⁴ Ma ye liti akuna'a dam, ayo'o été a ayaa été, e be *meyoñ me nga bo te wô'ô ma.