MARKUS 8 - Kalate Zambe Nnomo a Mfefe Mfefé Nkôñelan

Yésus a ve toyini bôt bidi

¹ E nde ñhe, e mimôs mite, mbôl bôt be mbe abui, teke be bili jôme ya di, ane a nga loone beyé'é bé a jô be na:

² Ma wô'ô bôte bana éngôngo, amu bia be be bi ntoo den tañe melu mela, ve be nji bi jôme ya di.

³ Nge ma suu be na be bulane menda map, zaé e mebum, ba ye ke ba ku som e zene *zen. Amu bevo'o ya été ba so ôyap.

⁴ Ane beyé'é bé be nga yalane nye na: E môt a ne ve abim abui bôte dina bidi, e fé été va, bi mane yiane be, a ye so vé'

⁵ Ane a nga sili be na: Mi bili belet tañ aya? be na: Zamgbwa.

⁶ E nde a nga jô bôte na be tabee si. A nyoñe ñhe belete zamgbwale nyuna, a mane ve akéva, ane a nga be'e je a ve beyé'é bé na be ke ba kabe bôt; ane be nga kabe je bôt.

⁷ Be nga bili fe ayôme kos. E nde fe a nga mane botane je a jô na be ke fe ba kabe je.

⁸ Ane bôte be nga di a jaé. Be nga kee fe bifus bi nga buk, tañe minkoé zamgbwa.

⁹ Bôte be mbe bebé toyini ényin. Ane a nga suu be na be ke.

¹⁰ E nde fe a nga dañ éfunga été été baa beyé'é bé, a ke éfas ya Dalmanutha.

Ndem fé Befarizieñ ba beta sili

¹¹ Ane Befarizieñ be nga zu, baa be nye be nga sañetane nkobô, be sili'i nye ndem éziñ ya yôp, *zen ya bôbôlô nye.

¹² Asuu a nga suu abuk, e nde a zu jô na: Ndeme fé nje fo'o miaé bôt wu wo sili? Ma jô fo'o mia bebela na, teke ndem éziñ ja ye veban e be miaé bôte wu.

¹³ Ane a nga li'i be a beta dañ éfunga été a ke kindi'i yat.

Ye fek é ne fo'o beyé'é mebum

¹⁴ E nde beyé'é be nga vuane nyoñe belet, be li'iya be bili éfunga été va, fo'o ve belete jijia.

¹⁵ Ane a nga bendé be na: Mi kale'e, tuka'a tabane ntye a mvusu Befarizieñ a nyô Hérôde.

¹⁶ E nde be nga ke ba fas e zañe jab bebien, môt ase a jô'ô nyô mbo'o na: Bi nji bi belet.

¹⁷ Eyoñ Yésus a yemeya nalé, e nde a jô be na: Amu jé mia ke mia fas a kobô na mi nji bi belet? E nde mi ngenane fo'o teke yem a teke wôk? Ye minlem mienan mi ngenan ayet'

¹⁸ nde mi be'e mis ve teke yen, nde mi be'e melo ve teke wôk' ye mi ne *te fek'

¹⁹ Eyoñe me nga be'e belet étan asu bôt toyini étan, minkoé mi afufus tañ aya mi nga kee mie njalan? Ane be nga jô na: Awôm a mibaé.

²⁰ Eyoñe ke me nga be'e belet zamgbwa asu bôt toyini ényin, mi nga kee minkoé bitune *mebuka'a, tañ aya? Ane be nga jô na: Zamgbwa.

²¹ E nde a nga jô be na: Ye mi ngenan teke tu'a wôk'

Yésus a bo ndindim mvo'é

²² Ane be nga ke kui e Bétsayida. E nde bôt be nga zuu ndindim e be nye, a ye'elane nye na a nambe nye.

²³ Ane a nga bi ndidime wo a kee wô atan, éyoñ a tuiiya wô mendene mis a beté fe wô mo, e nde a sili nye na: Ye wo yene jôm éziñ'

²⁴ Akui a nga kui mis, e nde a nga jô na: Me lôô bôt, ma yene be be funa'ane bilé, ba ke ba wulu.

²⁵ E mvuse valé, e nde a nga beta beté nye mo e mis, môt a nga fombô ne fonaaa, ane a nga bulane bo *mvo'é, a nga yene fe biôme bisese'e ne sañe sañ.

²⁶ Ane Yésus a nga bulane lôme nye e *nda jé a jô na: Te ñhe wo ve'ele ke nyiine nlam.

Pierre * a mem na Yésus nye a ne Krist

²⁷ E nde Yésus a nga téé baa beyé'é bé, be nga ke mfa'a minlame ya Sézaré Filip. E zene zañe wé ane a nga sili beyé'é bé na: Bôte ba jô na me ne za'

²⁸ Ane be nga yalane nye a jô na: Bana na Yôanes Babtist, bevo'o na Elie, e ba bevo'o ke na, wua éziñ ya bekulu mejô.

²⁹ E nde ñhe a zu sili be na: Mfa'a wônan, mi mia jô na me ne za? Ane Pierre a nga yalane nye a jô na: Ô ne *krist.

³⁰ Ane a nga tu'a bendé be na, be bo teke kate to'o môt éziñ jam éziñ e tina'ane nye.

Yésus a kulu mejô ya awu dé a ñwômane wé

³¹ E nde a nga taté ye'ele be na, Mone Môt a yiane tôbane mintaé abui. Bemvendé, a Betuni Benen a Beyeme Bekalate ba ye bene nye, ba ye fe wôé nye, ve mvuse *môs milal, a ye wômô.

³² A nga kobô ajô di ne sañe sañ bôte bese be wô'ôk. Ane Pierre a nga nyoñe nye a kee nye émo'o, a tebe ñhe na a komekane nye.

³³ Ve Yésus a nga veñesan a fombô beyé'é bé, a nga bame Pierre a jô na: Kele m'ôyab mfa'a ya mvus, a Satan, amu ô nji bi asimesane Zambe, ve di bôt.

Fulu ntôñe Krist

³⁴ E nde a nga loone jama bôt a beyé'é bé na be zu, a jô be na: Nge môt éziñ a kômbô tôñe ma, a taté'é nyum émiene mam, a beke'e *krôa jé a tôñe ma.

³⁵ E môt ase a kômbô nyii ényiñe jé, a ye jañele je; ve nyô ase ki a ye jañele ényiñe jé amu ajô dam a ajô Mbamba Foé, e nye a ye nyii je.

³⁶ Da ye volô môte jé na a bi ngume si ôse, nge a viane jañele ényiñe jé'

³⁷ A za jômô môt a ye ve, e tañ ényiñe jé'

³⁸ Amu na, nge môt éziñ a ye wô'ô m? ôson, nge ke mejô mam, e be miaé bôt bijabô wu a bebo *abé, Mone Môt fe a ye wô'ô nye ôson, éyoñ a ye zu étôto'o Esaa wé été, baa be mimfufub b'éngele.