EZAYI 57 - Kalate Zambe Nnomo a Mfefe Mfefé Nkôñelan

¹ Môt a ne *zôsôô a jañ, ve teke môt a nyoñe de ngap e nleme wé été; ba vaa mbamba be bôt, ve môt éziñ teke wô'ô na zôsôa môt a ne mvaan asu ya mate bidim.

² Nyô a tôñe *zen é ne zôsôô a ye nyiine *mvo'é été, a ye wo'on énoñe jé yôp.

³ Ve mia, za'ane bebé va mia bone be ngbwengbwele minga, mvoñe mbo *mejian a minga ébamba.

⁴ Mia kpwe'ele za' Mia ndamé za anyu nyô a sooé ny? ôyem' Ye mi nji bo bone be beneya njôan, e mvoñ é ne njalan a ékotekot'

⁵ Mia wobane nduan bebé bilé bi térébeñte, élé ése é bili abui mekaé si; mia wôé *bon e mimbi'ili été a e mimbane meko'o été.

⁶ Ngabe jôé é ne bikôkone meko'o ya mbi'ili, bili bite mbie bi n'akabe dôé amu mbie ô maneya sôôé mveane binyunyui a ve mimveane miôé ya nkañan! Ye jame te é ne volô ma *nlem'

⁷ Wo kôm énoñe jôé e nkôl ô ne mbetan, a ôyabe yôp; nne fe wo bete wé a ve *bityi'a, bili bite mbie bi n'akabe dôé amu mbie ô maneya sôôé mveane binyunyui a ve mimveane miôé ya nkañan! Ye jame te é ne volô ma *nlem'

⁸ Wo futi jôme jôé ya simesan e mvuse *mbé, a mekôn me bili wo; amu wo liti soé jôé a bet ô tele m'ôyap. Wo nene éjô'ôba jôé, a ô boya élat a bezambe befe, wo nye'e énoñe jap *a nye'e ô yene be.

⁹ Wo ke be njô bôt ô bili mbon, wo mialane beôlobinda bôé, wo lôme minlômane miôé ôyap, wo bo na mi ke a kui vôme miñwuan mi né.

¹⁰ Nwulan abui wo bo na ô tek ve wo teke jô na: Me tame bulane mvus! Ô ngenan ô wô'ôtane ngu e wo wôé été: ajô te ô ngenane teke tek.

¹¹ Za a mbe a tyelé'é wo nleme yôp, ô mbe ô koo za woñe na ô du'u ma, na ô bo te simesan, te bisi ma' Ye me nji tab'évô aso ayap' Ajô te nde ô nji ko me woñ.

¹² Ma ye kañete *zôsôô wôé a mimboone miôé mbie bia ye bo te volô wo.

¹³ Eyoñ wo ye yôn, jama azezambe wôé nye ñhe a ye tame kôté wo! V'évuñulu ja ye mane kee nye, mfep wo ye vaa nye, ve nyô a sobô be ma, a ye nyoñe *si nyô ane ngap, a tabe nkôle wom ô n'étyi.

Ngaka'a mvolane * nlem asu * bebuni zambe

¹⁴ A ye jô na: Fa'ane, fa'ane, kômane *zen, va'ane kobetakobetan ase a ne zene bôte bam!

¹⁵ Amu avale di Nyô a dañ ôyabe yôp, Nyô étaba'a jé é too nnôm éto, a nyô jôé dé é n'étyi a jô na: me too mevôm me ne mbetan a étyi été, ve da me ne a môt ba tibili, a nyô be sameleya nsisime wé été, nalé ma beta wômôlô minsisim mi ntoo nsamelan, a minlem mi ntoo ntya'an.

¹⁶ Eyoñe minsisim mia ku som asu dam, e bôte me nga té, ma ye bo te ben éyoñ ése nge ba'ale ôlun nnôm éto.

¹⁷ Me nga yaa amu miñyamete mia yiane mekua mié, ajô te me nga bibi nye, me nga sobô ayaa dam été, ve melo mé été, a nga tôñe zene ya nleme wé.

¹⁸ Me nga yene mezene mé, ve ma ye saé nye a ma ye jalé nye a mvolane *nlem, émien a ba baa be be ba yi du.

¹⁹ Ma ye futi ékaña'a e biyaé *mvo'é, *mvo'é e be nyô a n'ôyap a e be nyô a ne bebé! Nalé Nti a jô. Ma ye saé be.

²⁰ Ve bebo *abé be ne ane mañ ma fô'ôsan mme me se nguleya bo ne mieññ, a mendime y'été ma fô'é mbotok a mbuan.

²¹ Mvo'é é nji bo, nalé Zambe wom a jô mfa'a bebo *abé.