EZAYI 4 - Kalate Zambe Nnomo a Mfefe Mfefé Nkôñelan

¹ Môs ôte, binga zamgbwa ba ye tyebe fame jia nyô a jô je na: biabebien bia ye jeñe bidi ya di, bia ye fe jalé biabebiene ngômesan, bia yi ve na bi be'e jôé dôé, va'a bia ôsone nyô!

Nti a ye kamane * mebuka'a ya Yérusalém

² Môs ôte, éfa'alé Nti a ye bo na é faa ja ye bo duma a étôtok, a bibuma si ja ye wum bia ye bo jame ya mekômba'a. E be bôte ya Israél be nyiñeya.

³ Eyoñe te *mebuka'a ya Siôn, e ba ya Yérusalém be nga fam awu, ba ye lobane na étyi. Bese ba ye tiliban e Yérusalém a nyiñ.

⁴ Eyoñe Nti a ye mane vaa mvine bengone ya Siôn, a sôbe Yérusalém mfa'a metyi be nga mane kulu été, a évuñulu ya nduan ja di'i.

⁵ A ye té, e vôm ase ya nkôle siôn, a e bikôan bi bôt été, nsum *nkut a amôs, nsume nduan a alu. Etôto'o Nti ja ye bebe biôm bite bise yôp.

⁶ Etôto'o te é too éjijin, ébeme mekaé bilé, e melu ya beta ayôñ, da né é too fe asoé a vôme ya wu'ubu ôkôs a mveñ.