EZAYI 39 - Kalate Zambe Nnomo a Mfefe Mfefé Nkôñelan

Ezékias a nyoñ e bôte ba so Babilôn

¹ Melu mete Mérôdak-Baladan, e mone Baladan, njô bôte ya Babilôn, a nga lôm Ezékias bekalate a bifa'é, amu a nga wô'ô na Ezékias a nga kon ve a beteya bo *mvo'é.

² Ajô te Ezékias a nga va'a nsoone bekatefoé a liti be mevôm a naane bidima bi biôme bié: Argent, or, bityita'a, mbon ô ne mbamba menyum, mengômesane bityé a jôm ése é mbe binaan akume bié; teke jôm Ezékias a nga bo te liti be ataté *nda jé a kui étaba'a jé ése.

³ Nde *nkulu mejô Ezayi a nga zu koone njô bôt Ezékias a jô nye na: Bôte bete ba te jô aya be so'o ke vé? Ezékias a nga yalane na: Ba te zu be ma be so'o si é n'ôyap, e Babilôn.

⁴ Ezayi nye na: Jé ba te yen e *nda jôé? Ezékias nye na: Ba te yene jôm ése é ne *nda jam. Teke jôme ya akume dam ma te bo te liti be.

⁵ Ane Ezayi a nga jô Ezékias na: Vô'ôlô'ô ajô Nti ya *minsamba mewosan:

⁶ éyoñ ja zu nje jôm ése é ne *nda jôé nje b'ésoo be nga tôkan a kui e môse wu ja keeban e Babilôn: teke jôm ja ye li'i été, nalé Nti a jô.

⁷ Ba ye kee abui ya bobefame bôé, abui ya ba be ne nsoone be wo, mbe ô nga biaé: ba ye bo *miak e *nda njô bôte ya Babilôn.

⁸ Ezékias a nga jô Ezayi na: Ajô Nti wo te tot e ne mvaé. Amu a mbe a jô'ô na: Éyoñe me vee *mvo'é ja ye bo, nalé fe teke jam da tyelé ma nleme yôp.