EZAYI 18 - Kalate Zambe Nnomo a Mfefe Mfefé Nkôñelan

Nti a wosan Etiôpi

¹ Ngo'o si, e vôme mefabe ma duñ e asôé ya Etiôpi yat!

² Wo wo lôme minlôman e mañe yôp, a lôme fe besitima bikôbe bilé e mendime yôp. A mia minlôman mi n'avô, kelan, e b'ayoñe bôt e ne meyap a nyôl ékôkon, e be bôt be n'angôndô ane be téban, ayoñe bôt e n'éwôlô a da ko'o jôm ése, ayoñe bôte si jap é bili beta b'asôé,

³ Mia, e bôte bese be too e *si nyô, mia mi too e *si nyô, mia ye fombô e nyungu a tele minkôle yôp, mia ye vô'ôlô éyoñe toñ ja ye jô.

⁴ Amu avale di nde Nti a kobôya ma na: me nji fô'ôsan, ve me lôô éyoñe me too vôme wom, aval ane ayôñe vian éyoñe jôp da faé aval ane ndutuu y'élok, éyoñ ayôñe ya nkôane bidi e né.

⁵ Eyoñ éyoñe ya nkôane bidi é kpwaneya, éyoñ afube ndik e maneya kpwaé sam, éyoñe sam é ntoo bisanté bibuma, a bibuma bi maneya tôlôbô, éyoñe te ñhe ba, tyi'i bifa'alé, akaé a mintyaé mi ne teke volô jôm.

⁶ Ba li'i biôme bite bise asu anone ya beta minkô da bi biôm, a asu betite ya fé; Anon da bi biôm da ye tabe e mimbime miabe yôp a ésep, a betite bese ya fé ki a ôyôn.

⁷ melu mete mimvean mia ye veban e be Nti ya minsamba mewosan mi so'o e mo m'ayoñe bôt e n'ayap a nyôl ékôkon e mo me bôt be n'angôndô nté be téban, e mo m'ayoñe bôt e n'éwôlô a da ko'o jôm ése, di si jap é bili beta b'asôé. Ba ye zuu mimveane mite e vôme jôé Nti ya minsamba mewosan e too, e nkôle Siône yôp.