EZAYI 12 - Kalate Zambe Nnomo a Mfefe Mfefé Nkôñelan

Jia mvean akéva

¹ Wo ye jô *môs ôte na: ma kañe wo a Nti! Amu ô nga wô'ô m'abé. V'ayaa dôé e kôñelaneya mfa'a ôfe, a ô volôya ma *nlem.

² Zambe ya nyiane wom nye nyô, ma ye tabe ndi, a ma ye bo te ko woñ; amu Nti a ne ngule jam a e jia jam. Nti le! Nye a zu a bo nyiane wom.

³ Mia ye labe mendim a mevak e menjeñ me nyian.

⁴ A mia ye jô *môs ôte na: kañane Nti a ve akéva! Yôta'ane jôé dé. Kañeta'ane beta mimboone mié e *meyoñ me bôt été. Beta'a katane na, jôé dé e ne mbetane yôp.

⁵ Yi'ane Nti bia amu a boya mam ma dañ mvaé. Si ése é yeme mam mete.

⁶ Yôta'an a *tyiñ mevak e yôb été, wo, e môt ô too Sioñ. Amu Nyô ya Israél a n'Etyi a ne anen e zañe jôé.