ESTHE 10 - Kalate Zambe Nnomo a Mfefe Mfefé Nkôñelan

Asuérus ba Mardôsé

¹ Njô bôt Asuérus a nga telé bisaé bi étibela'a e be bôt be too bifuse bi si ya mañ y'éjôé jé avale fe ane e ba be too nsak.

² Biwôlô a ayo'o mimboon mi njô bôt, avale a nga bete Mardôsé yôp, mam mete me ne ntilan e kalate minkañete bejô bôte ya Perse a Médi.

³ E ne nalé na Mardôsé, mone Beyude a nga su'ulane bo môt a dañ éwôlô mvuse njô bôte Asuérus. Bobenyañ Beyude bese be nga semé nye *a nye'e nye. A nga saé asu ya jeñe mvaé jab a a nga kobô asu ya jeñe ntabane *mvo'é ya bôte bé.