EKLEZIASTE 6 - Kalate Zambe Nnomo a Mfefe Mfefé Nkôñelan

Engôngol ényiñe môta binam

¹ Bidima jam me nga yene jôbe si a telé môta binam mbia été:

² mveane Zambe a ve môt éziñ akum, biôm abui a duma a kui na nleme wé te fe jeñe jôme ya mam mese a kômbô, ve da Zambe a nji ve nye nguleya diane biôme bite a mone bikuu nye a viane zu diane bie. Momo a bidima jam nye le.

³ Nge môt a biaé ntete *bon, a tabe mimbu abui, melu y'ényiñe jé me kôsa bo abui, nge nsisime wé ô nji jaé a mvaé a nge a bo te jame soñ, ma jô na mon a bialé nsolekan a ne mevak a dañe nye.

⁴ Amu mon ate a nga zu momo nzuan, a bulan e dibi été a jôé dé da li'i e dibi été;

⁵ a nji yen nge yeme jôp: a bili abui awo'on a dañe môte ya ntete *bon.

⁶ Nyiñane toyini mimbu ébaé ô ne jé nge mvaé é nji bo? Ye mam mese me nji ke vôme wua'

⁷ Nju'u ôse môta binam a wu ô ne asu anyu dé, v'éngoñe jé teke jaé.

⁸ Ye mfefek wo li'i ô bili jôm éziñ a dañ akute môt a mfi ôvé évôvoé môt ja yeme nyiñ a bevevee be bôte bevok é bili'

⁹ A ne mvaé ya vak a jôm ô bili a lôte na minkômbane ya *nlem mi jôô wo. Amu nalé fe a ne zesé jam a ntôñan évuñulu.

¹⁰ Jôm ése é né é mbili jôé aso ayap a bia tu'a yem e jôme môt a né: a se nguleya doan a môt a dañe nye ngu.

¹¹ Nté ôse bia doane bifia, nté ôte fe bifuuk mejô bia bo abui: mfi jé bia nyoñ été'

¹² Za a yeme jam e ne môte mvaé nté a vee, nté abui melu ya zesé ényiñe jé? Ja'ane a lôt ane nsisiñ? Za ñhe a ye kate môt jam da ye bobane jôbe si mvuse jé'