EFEZE 3 - Kalate Zambe Nnomo a Mfefe Mfefé Nkôñelan

Ndimba Jame Krist

¹ Ajô te ma, Paul, mbô'ô Yésus Krist, mfa'a mia bikuu,

² nge e ne nalé na, mi nga wô'ôtane mvame Zambe a nga bo ma amu mia, mfa'a ya jalé fe'e jé,

³ aval avé, a zene ya nlitane wé, me nga yeme *ndimba jam, avale me maneya tili de avôl avôl.

⁴ Mi ne yen, éyoñe mia lañe ntilane wom, abim atyeñ avé me bili ajô ndimba jame Krist.

⁵ Ndimba jam éte, Zambe a nji bo na bôte ya mmiaé mi bôte ya kôa be yeme je, aval a litiya je éyoñe ji, a Nsisim e be mimfufube minlôman a bekulu mejô bé:

⁶ Bikuu bi ne fe benyoñe ngabe ya éli'i te, bibu'a ya nyôle jia, nlatan e ngaka'a jia été, e be Yésus Krist, a zene ya Mbamba Foé.

⁷ Me nga bobane mbo ésaé amu mveane ya mvame Zambe a nga ve ma, a nlitane ya ngule jé,

⁸ e me ne medib ako'o ya mimfufube mise, me nga nyoñe mvame ya kate bikuu afo'o Krist e ne teke akobô, a faé éfufup ane Zambe

⁹ a kulane *ndimba jam é nga solô aso atata'a e be nye, ntéé ya émo minlañ.

¹⁰ Ajô te ataté éyoñe ji, bejôô, a bijôé e e yôb été, ba yem, amu keké, abui fe'e Zambe,

¹¹ aval ane fe'e jé ya nnôm éto a nga bo e be Yésus Krist Nti wongan é né.

¹² E be Krist, a zene ya mbunane bia buni nye, bi ne ñhe fili ya subu bebé a ndi *nlem ése.

¹³ A ma jô mia na, te kañesane na mi bili atek amu minju'u ma tôbane mie amu mia. Mi ne duma denan.

Krist a tabe'e e minleme mienan

¹⁴ Ajô te ma kute meboñe si asu Esaa,

¹⁵ e be nyô menda me bôt mese me bili jôé dé e yôb été a si nyô;

¹⁶ a bo'o mia, aval ane abui afo'o ya duma dé e né, mi jaléban a ngu, é so'o be Nsisime wé, ane mone môte ya minleme mienan a ye yem a nyoñe ngu;

¹⁷ a bo'o na Krist a tabe e minleme mienan été a zene ya mbunan na; mbemban a mi too e mbôka'a nye'ane yôp,

¹⁸ nde mia ye bi ngule ya wôk, fufulu a mimfufube mise, e jôm é ne ndam, nté, ôyabe yôp a édok,

¹⁹ a yeme nye'ane Krist wo dañe ñyeman ôse, nde mia ye jaé ne lut, a kui vôme ya nyoñe njalane Zambe ôse.

²⁰ E be Nyô a ne nguleya bo a lôte nné ya mam bi ne nguleya ja'é nge simesan, a zene ya ngule jé ja bo ésaé be bia,

²¹ duma e bo'o be nye keké a e be Yésus Krist, asu miaé mise a kui nnôm éto. Amen.