BETYIʼI MEJÔ 5 - Kalate Zambe Nnomo a Mfefe Mfefé Nkôñelan

E jia Débôra a nga yia

¹ Môs ôte Débôra a Barak, e mona Abinôam, be nga yia e jia jina be jô'ô na:

² Israél été, môt ase a ne Nkômesane ya wosan. Bôt be veya bebien e mfa'a ya wosan: Va'ane Nti Akéva!

³ Mia, bejô bôt, mia bôt mi bili ngule njôan Ke'ane alo a vô'ôlô! Ma zu yia jia asu duma Nti, Zambe y'Israél.

⁴ A Nti, éyoñ ô nga so e sii Edom éyoñ ô nga sis, si é nga fô'ôsan a minkut mi nga sôé mendime map, abui mveñ e nga sôé é so'o yôp.

⁵ Minkô mi nga fô'ôban ôsu viôé, Nti ya sinayi, Zambe y'Israél.

⁶ Melu Samgar, e mona Anat, Melu me Yaél, minsamba mi bôt a betit Mi nga li'i si bilik, bewulu dulu be nga tôñe mezen me n'ékotekot.

⁷ Bivet bi mbe momo, teke fe bivet e si y'Israél, akekui me soya, ma Débôra, a bo aval ane nyia e be Israél.

⁸ Ayoñe bôt e nga tobe Mimfefé bezambe A éyoñe te ébien nje bita bi nga taté. V'é mbe nju'u ya yen ében nge akañ, asu bôte toyini mewôm menyin Israél été.

⁹ E nleme wom ô ne mfula'an a bivete bezimbi y'Israél, Nalé fe a bôte y'ayoñ be veya bebien e mbamba nkômban. Va'ane Nti akéva!

¹⁰ Mia mia bet e bifumulu bijakase yôp, mia mi too afibe bindelé yôp, mia mia wulu e minjoñe yôp, yôta'ane jame te!

¹¹ Ba ba kabe mendim bebé e mevôm ba nyu mendim, ba kañ mbamba mimboon mi Nti, e mbamba mimboone mié e be bivete y'Israél, éyoñe bôt be nga tebe e mimbé ya tison.

¹² Ve'e ôyo, a Débôra a zu volô, Kôlô'ô si a yia jia ya bita, tebe'e tetele a Barak e mona Abinôam a bulane mimbô'ô miôé!

¹³ E bôt be nyiñeya, be keya koone bivet, ayoñe bôte Nti e sulaneya e be nye aval ane mimben. Bedañ Amalek be nga so Efrayim. Bényamin a nga tôñe be a fulan a minsamba miap.

¹⁴ Abume bôte Makir, bejôô be nga so été, a abume Zabuloñ ki e ne bebi *ntum mewosan. Bivet b'Isakar, bi nga ke koone Débôra;

¹⁵ Isakar, mba'atan a Barak, a nga tôñ mvus avôl-avô e nje'ese si; ve e mebum me Ruben, bôt ve bo bisô ya mfasan a nsañetane mam teke nné.

¹⁶ Amu jé mi nga li'i mi tele ézezañ mebemba a vô'ôlô minloñan ba loñ e mimbame miap' Mfa'a mebume me bôte me Ruben, minlem ve sañetane beta mimfasan mi mam teke nné.

¹⁷ E Galad, e Yordan mfa'a jôb da tôô, *meyoñ me nji ke fô'ôsan. Meyoñe me Dan me nga li'i bebé a besitima bé. Ayoñ Azer fe é nga li'i e nsa'a mañ, bebé a mevôm besitima bé ba tebe.

¹⁸ Bôte ya Zabuloñ, be, avale fe ane ba ya Néftali, be nga kañese tôban awu e minseñ mewosan.

¹⁹ Bejô bôt be ne besiñ, bejô bôte ya kanaañ, be nga wosane Tanak bebé e menjeñ ya Megidô, Ve teke nyoñ to'o biôme Ya nsa, to'o moné!

²⁰ E yôp été, ngon a ateté fe bi nga wosane Sizera, be tôñe fe mezene map.

²¹ Otôñ wo lôt aso ayap, Ôtôñe Gison, ô nga Vose besiñ. Ñwula'an a ôden bi ke wosan!

²² Eyoñe te bikabela bi nga taté na bia yôô, be bo'o bikinda si a bibo'ose biap.

²³ Éngele Nti a jô na: Yoka'ane tisone Méroz, Yoka'ane je, yoka'ane bôt be too été. Amu be nji ke zu volô e Nti, be nji ke wosan a biyete bezimbi biap.

²⁴ Yaél, nga Eber, mone Kénieñe A bo'o ébotan e binga bese été. Yaa, a bo'o ébotan e zañe binga bese be too e menda bindelé si.

²⁵ Sizera a nga sili nye mendim, nde a nga ve nye menyañ; ékpwikpwi'iti menyañ e mbamba nde'e été.

²⁶ Wôna a nga nyoñ akôn a wo wua, a ôkuta'a nlumelui a wu ôvok. Ane a nga wôé Sizera, a sale ny'ékôkoé nlô, a nga tube nye nlô.

²⁷ Nde Sizera a nga fenekan ôsu vié a ku si. A nga bômbô tyia mebo mé si, a nga tu'ulane émien e si si, a ku abôm.

²⁸ Nde nyia Sizera a nga fombô Vundu. Eyoñe mis me tyiñelaneya nye, a nga taté na a singi a nyamete: Amu jé vagoñ bita wé a yange' Amu jé a yange te zu'

²⁹ A ba'alan éyoñ ése éyalane ya bemvôé bé ba dañe fek:

³⁰ Bezimbi ba kôane fo'o biôme ya nsa, be nga kabane fe bie. Ngone minga jia ng'ébaé asu mone bezimbi wua. Bindelé bi ne nduban a ntiñan asu Sizera. Yaa, éndelé é ne ntiñan biyoñ bibaé asu ya kotane je e tyiñe môt a ye dañ.

³¹ Besiñe bôé bese, a Nti, ba wu avale Sizera a wuya. Ve bemvôé bôé be bo'ok ane jôp éyoñe da tôô étoto'o jé ése été! Ane *mvo'é é nga bo e si tañe mimbu mewôm menyin.