BESAM 98 - Kalate Zambe Nnomo a Mfefe Mfefé Nkôñelan

Sôane Nti a zu

¹ Yi'ane mfefé jia asu duma Nti. Amu a boya bitua bi mam, a ñyeman mboone mam wé, a ngule Zambe jé.

² Nti a litiya *si nyô na a ne nyii bôtô, a boya na *meyoñ me yem *zôsôô wé.

³ A nga simesane *mvam jé a ntôane ya ndi jé asu ayoñ Israél. Akekui susu'a ya *si nyô, be yeneya na Zambe wongan a nga nyii bia.

⁴ A bôte bese *si nyô, sô'ane Nti, e mefôn menan été, yôta'an a mevak, kañane nye a abeñe bibômebômé.

⁵ Kañane nye a mvet, bômane mvet a fulane bibômebômé bise bi ne mvaé;

⁶ kañane nye a éduñ toñ a *tyiñ mfañ, sô'an a zô'é mevak asu duma Nti, a ne njôô.

⁷ Mañ me duñuk a biôm bise bi ne été, a si a bôt be too été!

⁸ Asôé e kute fas, a minkô mi fula'an a yôtan ava'a dab asu Nti,

⁹ amu a zu a zu tyi'i *si nyô mejô, a ye bo *zôsôô ntyi'i mejô asu *si nyô ése, Ntyi'i mejô a ne teke'e ôbangam asu *meyoñ me bôt.