BESAM 97 - Kalate Zambe Nnomo a Mfefe Mfefé Nkôñelan

Nti a ne njôô bôt, avak é ne * si nyô ése

¹ Nti a ne njôô, si ése é fônôk, mebôñ m'asôé mese me va'ak!

² Nkut a dibi bia bômane nye, *zôsôô baa *atiñ bi ne mbôka'a ya éto njôane jé.

³ Nduan ja wulu ôsu vié, ja di'i besiñe bé mimfa'a mise.

⁴ Feleves jé ja faé *si nyô éfufup *si nyô ja yene je *a ko woñ.

⁵ Minkôl mi a nyemé ane éko abaé éyoñ Nti ya *si nyô ése a subu mie bebé.

⁶ Yôp da kañete ntôane metiñ wé, a *meyoñ me bôte mese ma yene duma dé.

⁷ Oson ô bo'o be bekañe bengunemelan bese, ba be too zesé biôm éte mebun! Bezambe bese ba ye ve Nti duma.

⁸ Ba wô'ô jame te e Siôn a ba vak a de; bitison ya Yuda bia semé ntyi'ane mam ô nga tyik, a Nti.

⁹ Amu wo, a Nti, ô ne Zambe a dañe nkôñe yôp *si nyô ése, wo dañe bezambe bese nkôñe yôp.

¹⁰ E mia mia nye'e Zambe, vina'an *abé, a kaman ényiñe ya *bebuni bé, a kôté be e mo me mbia be bôt.

¹¹ Efufub éziñ ja faé asu bôt be too nye ndi *nlem, a avak e ne asu minlem mi ne *zôsôô.

¹² Mia *bebuni bé, va'an amu Nti a n'anen, kañane nye mi simesa'ane na a ne étyi.