BESAM 94 - Kalate Zambe Nnomo a Mfefe Mfefé Nkôñelan

Zambe nkune ékotekot

¹ A Zambe nkune bôt! A Nti Zambe nkune bôt, liti'i womien.

² Ntyi'i mejô ya *si nyô, tebe'e bebo ébiasé ngame yat, bo'o na mbia jam be boya a beta bulan be bebien.

³ A Nti, ntaa vé mbia be bôt ba ye fôn' Yaa! Ntaa vé'

⁴ Ba kuli mbia nkobô a ne te ésemé; ba ke fe ba bo énguñ, bôte bese ba bo ba bevok na be tôbane njuk.

⁵ A Nti, ba tibili ayoñe dôé, a dimi ba'ale ba be ne émbôé.

⁶ Ba wôé nkus a *ntabe ômun teke wô'ô nyik, ba wôé bobenyui.

⁷ A ba beta jô na: Nti a ne te yene jôm, Zambe Yakob a ne te kee mis avale jame te.

⁸ Taba'an ntyel, mia bôt mia dañe mekut *si nyô! Eyoñ évé mia minsusuk mia ye tebe a yeme fas'

⁹ Nti, nyô a nga bem alo môt, ye a nji bo ngule ya wôk' E nye a nga kôme dis, ye a nji bo ngule ya yen'

¹⁰ E nye a leb *meyoñ, ye a nji bo ngule ya ve *melep' E nye a ye'ele bôt, ye a ne bo teke'e atyeñ'

¹¹ Nti a yeme minsimesane mi bôt: mi ne évuñulu, a tu'a yeme nalé.

¹² A Nti, ébotan a nyô wo lep, a nyô wo ye'ele a metiñe môé!

¹³ A ne ngule ya tabe ne séé môse ya njuk, nté ôte ébé ki é fa'aba'an, asu mbia be bôt.

¹⁴ Momo, Nti aa wua ki ayoñe dé fé, A ye bo te li'i ba be ne émbé étam.

¹⁵ Zôsôa môt a ye beta bi mekabe, a bôte bese be ne nleme zôsôô ba ye tôñe nye.

¹⁶ Hééé! Ngo'o ki me ne kôme nye'e ma bi môt a kamane ma e be bôte ba, e ba ba bo mbia be mam; Nkamane bôt e be bôt ba té minjuk!

¹⁷ Nge Nti a nga ye bo te volô ma me nji ye tebe ôyab a nlame bivô.

¹⁸ Eyoñ ése me nga jô na me nji fe tebe tetele A Nti, mvôé jôé é nga su'u ma.

¹⁹ Eyoñe nleme wom ô nga jaé a minsimesan, ô nga volô ma, ô nga ve ma avak.

²⁰ Ye ô bili jam éziñ fufulu a betyi'i mejô ba wôé bôte ba, e ba ba bôndé ékpwe'ele a biasé metiñ'

²¹ Ba wosane bôt be ne *zôsôô, a ve môt a ne tee bijô mekua.

²² Ve Nti a ne ôleme viam, Zambe wom, akok ya vôm me nga yen asoé.

²³ A beteya bulan bebien awu dap a nga bo na *abé dab e ku bebiene yôp. Nti Zambe wongan, a ye sili be si ne vulut a jañele be ékok ne meñ.