BESAM 93 - Kalate Zambe Nnomo a Mfefe Mfefé Nkôñelan

Nti a ne Njôô

¹ Nti a ne njôô, a jaéya éjijine jé aval ane ngômesan, mbôma'ane a ngu aval ane kandé. Si nyô é ne ñyemetane ngu, ja ye tebe ne bip.

² A Nti, aso ayap éto éjôé é tele ñyemetan, aso nnôm éto ô ne Zambe.

³ E kôba, mañ me nga bam, me nga bam a ayok me ngenane fe ngule ya beta bam!

⁴ A dañe beta éduñ mendim me ndôn ôsôé a mintyôa mi mañ, Nti a ne ngu mfa'a ya yôb été.

⁵ Minjôane miôé mi ne fo'o benya betotii, *nda jôé ya ékaña'a ja yiane bo étyi, A Nti akekui nté *si nyô ja ye tabe.