BESAM 82 - Kalate Zambe Nnomo a Mfefe Mfefé Nkôñelan

Melebe bikotekote mintyi'ane mejô

¹ Sam Asaf.

² Zambe a tabeya si ékôan été, a tyi'i mejô ézezañe bezambe;

³ ntaa vé mia ye tyi'i mejô ékotekot, a liti ôbangam e be bôte ba yiane mekua!

⁴ Bo'one betyi'i mejô ya bôt be n'atek a bobenyui, tyi'an éngôngo a mbubua môt ajô zôsôô;

⁵ su'ane ntete'e môt a *nzôzoé, kôta'ane be e mo me bôt ba yiane mekua.

⁶ Ve be ne te yem, be ne teke wôk, ba fô'ôsan e dibi été, a mimbôka'a mise ya *si nyô mi maneya bu'i.

⁷ Ma yôtane de na mi ne bezambe, mia bese mi ne bone be Nyô-A-Dañ-Nkôñe-Yôp,

⁸ ve da mia ye fe wu ane bôt, mia ye ku si avale da ane mon éziñ ya be njô bôt.

⁹ Kôlô'ô si, a Zambe! Bo'o *ntyi'i mejô ya *si nyô, amu *meyoñ me bôte mese me ne émôé.