BESAM 81 - Kalate Zambe Nnomo a Mfefe Mfefé NkôñelanNgo'é nge bôte bam be too ye wô'ô ma (Dt 16:1-3; Sam 95 ; 85:9 ; Eza 55:3 ) 1 Asu évete nsamba beyia bia mvet é bili minko. Sam Asaf. 2 Kutane Zambe mefas, e nye a ne ngule jangan! bo'one zô'é mfa'a Zambe Yakob! 3 Yi'ane jia, mi bôme ngom; mi bôme mvet a mfañ! 4 Loñane toñ asu mfefé ngon, éyoñe ngon é ntoo abôm e môse abô'ô dangan e né! 5 Amu e n'atiñ asu Israél, mvinda Zambe Yakob, 6 *atiñ a nga tiñeti Yôsep, éyoñ a nga ke wosan Ejipte. Nkobô me nji yeme wôk wo jô na: 7 Me vaaya nye mbe'e étun, a mo mé me suuya nkoé si. 8 Ô nga yôn e nju'u été, ane me nga kôté wo; me nga yalane wo me solô e zo'oyañ été; me nga ve'ele wo bebé e mendime me Mériba. 9 Vô'ôla'an a bôte bam! a ma ye bo mia na mi yem. A Israél, nge ô too ye vô'ôlô ma! 10 na *zambe mfe a bo te yené e *nda jôé! Te kute aboñe si asu *zambe bikuu! 11 Me ne Nti, e Zambe wôé. Nyô a nga soo wo si y'Ejipte: ku'i anyu ndam a ma ye jalé de. 12 Ve bôte bam be nji vô'ôlô tyiñe jam, Israél a nji ke yi ma. 13 Ajô te me nga jô'é be a ayete nleme dap, ane be nga wulu a mefe'e mabe mebien. 14 Ngo'é nge bôte bam be too ye vô'ôlô ma, nge Israél a too ye wulu e mezene mam! 15 Me nga ye ji'a samele besiñe bap teke njuk, me nga ye kôñelane wo wom a wosane besiñe bap. 16 E bôte ba siñe Nti be nga ye du'u nye a éyoñe jap é nga ye telébane nnôm éto. 17 Zambe a nga ye ve Israél fes ja dañ abeñ a me nga ye jalé nye abum a wôé ya mekôm. |
Bible en langue Bulu © L'Alliance Biblique du Cameroun, 2007, 2015.
Bible Society of Cameroon