BESAM 80 - Kalate Zambe Nnomo a Mfefe Mfefé Nkôñelan

Wô'ôk a mba'ale mintômba y'Israél

¹ Asu évete nsamba beyia bia. Mvet é bili minsañ é bômôk. Nkañete Asaf.

² Ke'alo, a Mba'ale mintômba y'Israél, wo wo wulu Yôsep ane mbame mintômba; wo ô too Bekerubime yôp, tame yené étôto'o jôé été.

³ E mise m'Efrayim, Bényamin a Manasé, liti'i ngule jôé. Taté'é dulu ya nyii bia!

⁴ A Zambe, bo'o bia na bi beta bulane telé mebo si. Bo'o na asu dôé é faé, nalé bia ye nyiiban!

⁵ A Nti, Zambe ya *minsamba mewosan, wo ye wô'ô meye'elane ya bôte bôé ôlun a kui éyoñ évé'

⁶ Milik e me me ne bidi wo ve be, a wo nyuu be milik a ôvek tañe biyoñe bilaa.

⁷ Wo bo bia jôme metyama'an asu bôte bia be be bi too, a besiñe bangan ba kpwe'ele bia.

⁸ A Zambe ya *minsamba mewosan, bo'o na bi beta bulan telé mebo si! bo'o na asu dôé e faé, nalé bia ye nyiiban!

⁹ Ô nga wôlé ndi'i woon Ejipte; ô nga titane meyoñe bikul, ane ô nga bé ndi'i woone te.

¹⁰ Ô nga kôme mane li wô si, ô nga nyiñeli minkañe mié si, a yiane ngum si;

¹¹ beta minkô mi nga nyiñ éjijine jé si, a mintyaé mié mi mbe bilé besédre be Zambe;

¹² ndi'i woone te ô nga mialane mintyaé mié a kui mañ, nalé fe bifa'alé bié a kui beta ôsôé.

¹³ Amu jé ô nga bo melôñ e minka'alé mié ane belôte *zen ba kui na be kolé bibuma bié'

¹⁴ Ngôé afan ja fa'a wô, a jôme ja nyi'itan e mefup ja belane wô ane bidi.

¹⁵ A Zambe ya *minsamba mewosan, beta'a ñhe bulane zu! Fombô'ô ô too yôb été wé ô yene ñhe! Tame jome ndi'i woone wôé te!

¹⁶ Kama'ane jôme mbo nnôme wôé ô nga bé, nalé fe mone womien ô nga yemete a ngule jôé!

¹⁷ Ndi'i woon ô ntoo ndi'ibane nduan, ô tyi'ibaneya! be nga wu e mise môé amu ayok.

¹⁸ Wo wôé ô tabe'e be môt a ne wo mbo nnôm. nalé fe e be mona môt womien ô nga telé!

¹⁹ Bia ye bo te beta kandane wo. Bo'o na bi beta nyiñ, nalé bia ye loone jôé dôé.

²⁰ A Nti, a Zambe ya *minsamba mewosan, bo'o na bi beta bulane telé mebo si! bo'o na asu dôé e faé, nalé bia ye nyiiban.