BESAM 61 - Kalate Zambe Nnomo a Mfefe Mfefé Nkôñelan

Zambe a bulane ba'ale môte wé

¹ Asu évete nsamba beyia bia mvete minsañ. Same David.

² Wô'ô ñyône wom a Zambe! ke'e alo e meye'elane mam.

³ Ma yône be wo me too aku'u ya si, nleme ntya'an; kele ma akôme da dañe ma ôyabe yôp!

⁴ Amu ô ne ma vôme ma sobô. E asu nsiñe wom, wo ô ne ma nkum ô ne ngu.

⁵ Ma kômbô tabe *nda éndelé jôé nnôm éto, ma kômbô sobô asoé ya mefabe môé si.

⁶ Amu wo, a Zambe, wo yeme wô'ô mintiñetane miam, wo ve ma éli'i ya bôte ba ko jôé dôé woñ.

⁷ Kô'ôla'ane njô bôt melu mefe yôp, mimbu mié mi bo'o ayap ataté miaé wu a kui wu ôvok!

⁸ A tabe? éto njôô nnôm éto asu Zambe! Bo'o na mvame jôé a bebela wôé bi tabe be nye!

⁹ Yaa! Ma ye yia duma ya jôé dôé bia te ku som, me jalé'é mintiñetane miam *môs ane *môs.