BESAM 6 - Kalate Zambe Nnomo a Mfefe Mfefé Nkôñelan

Meye'elane ya ja'é * mvam éyoñe ya njuk

¹ Sam David asu évete nsamba bia be bili memvet, ja'ane nyô é ne minsañe muam.

² A Nti, te lebe ma ayaa dôé été, ayo'o dôé été te bôme ma.

³ Mvama'ane ma, a Nti, amu me te'eya; saé ma a Nti! amu bivese biam bia fô'ôban.

⁴ Nleme wom wo ndeñetan; a wo, a Nti! a kui éyoñ évé'

⁵ Bula'an, a Nti! kôté'é nsisime wom; nyi'i ma amu nkoon éngôngole wôé;

⁶ amu awu été, ôsimesane ya simesane wo ô ne momo; za a ye kañe wo e vôme miñwuan mi né'

⁷ Ate'e da bi ma amu ma dañe tat; alu ese, ma boté énoñ jam a milik. Ma sôôé mili'i mam énoñe jam amu miñyône miam.

⁸ Mise mam me nto nkôt amu ôlun, me nga yômbô amu besiñe bam bese.

⁹ Kelane ma ôyab mia bese mia wulu ékotekot été! amu Nti a wô'ôya tyiñe ya ñyône wom.

¹⁰ Nti a wô'ôya minja'ane miam, Nti a nyoñe meye'elane ma.

¹¹ Besiñe bam bese ba ye wô'ôson a fô'ôban; ba ye bulane mvus atemetem njalan a ôson.