BESAM 59 - Kalate Zambe Nnomo a Mfefe Mfefé Nkôñelan

Nja'ane nyian amu besiñ

¹ Asu évete nsamba beyia bia. Jia David é too na: Te tyam, nje a nge yia éyoñe Saül a nga lôme bôte na be ba'ale *nda asu ya bo nye na a wôéban.

² A Zambe wom, kôté'é ma e mo besiñe bam, bete'e ma ôyabe yôp a dañe ba bese ba wosane ma!

³ Kôté'é ma e mo me bôte ba bo ékotekot, a nyi'i ma e mo me bôt ba kuli metyi!

⁴ Amu mbe ba be solô, be jeñ ényiñe jam; biwôlô bi bôt bia bo éso'o ya wosane ma, te na ma te bo nsem éziñ, te na ma te bo *abé, a Nti!

⁵ Ba mate mbi, ba kômesan, te na ma te bo ékob éziñ; ve'e ôyo, za'a tôbane ma a fombô'ô!

⁶ A Nti, wo Zambe ya *minsamba mewosan, e Zambe Israél, kôlô'ô si, ô zu wosane *meyoñ bikule mese! Te ke éngôngol éziñ mfa'a bôte bese ba koñe bôt.

⁷ Ba beta so mamengô'é, ba bam ane bemvu. Ba bômane tison.

⁸ Yenek an'avule da kui b'anyu, minkpwaté mekôn mi ne be biyaé: Za a wôk'

⁹ Ve wo, a Nti, wo woé be. Wo woé meyoñe bikule mese.

¹⁰ Ma fombô mfa'a ô né, a mba'ale wom. Wo, Zambe, wo ô n'ébene jam.

¹¹ E Zambe wom, amu mvame jôé, za'a tôbane ma, e Zambe a bo na me yene bôte ba jeñe ma *abé.

¹² Te mane wôé be, bôte y'ayoñe dam be za vuane jame te, bo'o be na be ke ba ndeñendeñ a ngule jôé a sô'ôlô be yee si, a Nti, ébene jangan!

¹³ Anyu dap da bo *abé a bifia ya biyaé biap, be bili'i ôlame ya mebune mabe bebien! amu ba kobô ve biyo'é a medu'an.

¹⁴ Ji'ane be a ayo'o ese, ji'ane be, be bo momo! be yeme na Zambe a jôô e be Yakob, a kui e meku'u ya *si nyô.

¹⁵ Ba beta so mamengô'é, ba bam ane bemvu, ba bômane tison.

¹⁶ Ba ndeñe dulu e li a li, be jeñe bidi biap nté alu, teke jaé.

¹⁷ A ma ma ye yia ngule jôé bia; ma ye yôtane mvame jôé mametyé, amu ô n'ében asu dam, e vôme ma sobô môse ya njuk.

¹⁸ A wo ô ne ngule jam! Ma ye yia bia asu duma dôé, amu Zambe a n'ébene jam, Zambe wom a ne *mvam.