BESAM 53 - Kalate Zambe Nnomo a Mfefe Mfefé Nkôñelan

Asuk a ézezame bôt

¹ Asu évete nsamba beyia bia nloñane mfañ. Same David.

² Okukut ô jôya e nleme wé été na: Zambe a ne momo. Bôt be ntoo ndaman, ntabane wob a mimboone miab bi ne angôndô y'abé, teke wua wua a bo mvaé.

³ Zambe a fombô bone be bôt a too yôb été, na a yen nge môt éziñ a ne fek a ne, e nye a jeñe Zambe.

⁴ Ve bese be ntoo njañane fé, bese be ntoo fe ndaman; teke wua wua a li'iya na a bo mvaé, teke wua, teke to'o ve wua.

⁵ Ye bebo *abé bete bese ba ye bo te kôñelane minlem, mbe ba di bôte bam ane ba di bidi' Be ne teke loone Zambe.

⁶ E ne ñhe ba ye tyibelan a woñe nalé jame ya ko woñ ki teke de; amu Zambe a ye mialane bivese bi bôte ba dili wo bita; wo ye bo na be wô'ô ôson, amu Zambe a ye wua be fé.

⁷ Aso Sioñ, za a ye ve *nkôtan y'Israél' Eyoñe Zambe a ye soo minkôme ya bôte bé, Yakob a ye fôn, a Israél a ye vak.