BESAM 42 - Kalate Zambe Nnomo a Mfefe Mfefé Nkôñelan

Nwô'ane Zamb'évé e njuk a mekaban été

¹ Asu évete nsamba beyia bia; jia bone be Koré.

² Avale nko'o wo yi mendim nalé nleme wom wo yi wo, a Zambe wom!

³ Nleme wom wo wô'ô Zamb'évé, e Zambe a vee; éyoñ évé ma ye ke a yené asu Zambe'

⁴ Mili'i mam me ne bidi biam môse ba alu. Eyoñe ba jô ma éyoñ ése na: Zambe wôé a ne vé'

⁵ Ve jame ke ma simesan a *nlem ôse e nde dina na: Me mbe me wulu'u a nsamba bôt bi kelek mfa'a ya *nda Zambe e mefas été a meva'a me beta nkunda bôt a ne abô'ô été.

⁶ A nleme wom, amu jé wo tek avale di, amu jé wo tate me nyô' Yange'e Zambe, amu me ngenane me ye'e kañe nye amu nye'ane wé.

⁷ A Zambe wom, nleme ô ne me nte'an abum; ajô te ma simesane wo ataté si ya Yordan. Ataté Ermon, ataté nkôle Mitséar.

⁸ Yee a loone yee mbok, éyoñ ba wôk éduñe ya mesô'ô môé. Mintyôa miôé mise a minkumutu miôé mise mia lôte be ma a yandane me yôp.

⁹ A amôs, Nti a liti me mvame jé; a alu e jia jé nje é ne ma meye'elan e be Zambe ya ényiñ jam.

¹⁰ Me jôya Zambe na: Akôme dam, amu jé ô vuaneya ma' Amu jé ma yiane wulu ôlun été, étibela'a ya be nsiñe wom été'

¹¹ Bivese bibien bia mane bu'i éyoñe besiñe bam ba samele ma, be jô'ô ma éyoñ ése na: E Zambe wôé a ne vé'

¹² A nleme wom, amu jé wo tek a tat e nyôl jam été' Yange'e Zambe, amu me ngenan me ye'e kañe nye a ne *nkôté wom a e Zambe wom.