BESAM 4 - Kalate Zambe Nnomo a Mfefe Mfefé Nkôñelan

Meye'elane ya mamengô'é amu ndi * nlem e be Zambe

¹ Same David asu évete nsamba beyia bia ô bili memvet.

² Eyoñe ma yôn, a Zambe ya *zôsôô wom, yala'ane ma! Ôlun été, wo bo na me tabe *mvo'é, mvama'ane ma, wô'ô meye'elane mam!

³ A mia bone be bôt, duma dam da ye veñesan ôson a kui éyoñ évé' Mia ye nye'e bemomo be mam a kui éyoñ évé' ye mia ye jeñe minsos'

⁴ Yeman éyoñe jina na Nti a tobeya môt a bo nkômbane wé; Nti a wôk éyoñe ma yône be nye.

⁵ Bo'on éngôngôm, ve te boon abé; koba'an e nleme wônan été, éyoñe mi bôô binoñe bienan, mvus éte, taba'an évô.

⁶ Va'ane metuna'a ya zôsôô a ke'ane miabebiene be Nti.

⁷ Bôt abui ba jô na: Za a ye bo na bi yene mvom' Faé éfufube y'asu dôé be bia a Nti!

⁸ Wo futi abui mevak e nleme wom été, a dañ abime be bili e melu fône jab a mfefé woone wop bi ne abui abui.

⁹ Awolo ma bômbô si, ma ke ôyo mvo'é amu wo Nti étam wo bo me na me tabe *mvo'é.