BESAM 39 - Kalate Zambe Nnomo a Mfefe Mfefé Nkôñelan

Enyiñ e ne momo jôm

¹ Asu évete nsamba beyia bia, Yedutun. Same David.

² Me mbe me jô'ô na: Ma ye ba'ale mezene mam me za bo *abé a ôyeme wom; nté mbo *abé a tele ma ôsu, ma ye yeme ba'ale ételé anyu été.

³ Me nga tabe mvuk a évô; me nga tab? évô, ôyap a mvom. a mintaé miam mi nga nemban.

⁴ Nleme wom ô mbe ô yôñe ma abum été; e ntate wom été, nduan é nga bo'oban, a nkobô ô nga zu ma ôyem.

⁵ A Nti, bo'o me na me yem asu'ulane dam, tañe melu y'ényiñe jam, nalé ma ye yem abim avé me n'étyes.

⁶ Ô lôô, ô nga ve melu mam ndam abim ane akule wo dam, a nté y'ényiñe jam ô ne momo e mise môé. Yaa, môt ase a tele tetele a ne fo'o v'évuñulu;

⁷ Yaa, môt a wulu ane nsisiñ, a vuñ, v'ane fo'o v'évuñulu! Ma kôan ve te yeme za a ye nyoñ.

⁸ E nde, éyoñ jina a Nti, jé fo'o me ne beta yange' E ndi jam é ne ve be wo.

⁹ Kôté'é ma mfa'a ya mewôé me bôte mam mese! Te bulane ve ma ôsame ya be akute môt!

¹⁰ Me ne mvuk, me nji kui anyu, amu womien wo bo mam señe jam

¹¹ minkasa miôé mi kele m'ôyap! Ma wu amu ntañete ya wo wôé.

¹² Wo yaa môt éyoñe wo ve nye melebe ya *abé dé, aval ane meko ya nlô, wo ndaman jôm a dañe yene mvaé; yaa, môt ase a ne fo'o v'évuñulu.

¹³ A Nti, wô'ô meye'elane mam, a ke'e alo e miñyône miam! Te bo ndok e mili'i mam! Amu me ne nneñ e be wo, *ntabe, aval ane b'ésaa bam bese.

¹⁴ Va'a ma mise nyô nalé asu dam da ye faé te na me ke, te fe beta tabe!