BESAM 3 - Kalate Zambe Nnomo a Mfefe Mfefé Nkôñelan

Ntabane Zambe mebun

¹ Sam David éyoñ a nga mate Absalom, e mone wé.

² A Nti, besiñe bam be bu'u abui a jé! Ba ba kôlô si a wosane ma be n'ézuk!

³ Ba ba jô ajô dame na: Nyian ô ne momo be Zambe asu dé be ne tek'alañé!

⁴ Ve wo, a Nti, ô n'ébene jam, ô ne duma dam, a wo bete nlô wome yôp.

⁵ Ma yône tyiñe yôb be Nti a a yalane ma a too nkôle wé ô n'étyi yôp.

⁶ Ma bômbô si a ma ke ôyo; ma vee amu Nti a su'u ma.

⁷ Me nji ko betoyini be bôte woñ, mbe be maneya tebe mimfa'a mise na ba wosane ma.

⁸ Kôlô'ô si, a Nti! Nyi'i ma a Zambe wom! Amu wo bibi besiñe bame bese e minkek, wo bu'u mesôñe bikotekote bi bôt.

⁹ Nyian ô ne be Nti! Ebotane jôé é tabe'e be bôte bôé!