BESAM 24 - Kalate Zambe Nnomo a Mfefe Mfefé Nkôñelan

Zambe a nyiin e nda jé

¹ Si é ne jôme Nti a biôme bise bi n'été, *si nyô a bôte be too été.

² Amu nye a nga bô'ô je e mañe yôb a yemete je ngul asôé yôp.

³ Za a ye bet e nkôle Nti' A za a ye bet a kui vôme wé a n'étyi'

⁴ Nyô a bili mo me ne te bijô a *nlem ô ne mfuban; nyô a ne te ve nleme wé e mam me ne momo, a a nji kane ngana minsos.

⁵ A ye nyoñ ébotane Nti, nalé fe *zôsôô Zambe ya nyiane wé.

⁶ Avale te miaé ya ba ba jeñe nye ô né, miaé ya ba ba jeñ asu dôé, wo Zambe Yakob!

⁷ Beta'ane mimbô'ô mienan ôyabe yôp, mia mimbé, beta'an miabebien ôyabe yôp, mia mimbé ya nnôm éto! ndembene njô bôte y'étôtok a ye nyiin!

⁸ Za a ne njô bôte y'étôtok ate' Nti, nyô a ne ngungu a mben, Nti, mbene mewosan.

⁹ Beta'ane mimbô'ô mienan ôyabe yôp, mia mimbé, beta'ane mie yôp, mia mimbé ya nnôm éto, ndembene njô bôte y'étôtok a ye nyiin!

¹⁰ Za ñhe a ne njô bôte y'étôto'o ate' Nti ya *minsamba mewosan, nye a ne njô bôte y'étôtok!