BESAM 18 - Kalate Zambe Nnomo a Mfefe Mfefé Nkôñelan

Njô bôt a ve Zambe akéva amu ndañan

¹ Asu évete beyia bia. Sam David mbo ésaé Nti, aval a nga yia Nti bifia ya jia ji éyoñe Nti a nga nyii nye e mo besiñe bé bese a e mo me Saül. Nye na:

² Ma nye'e wo, a Nti, ngule jam.

³ A Nti, akôme dam, ôleme viam, *nkôté wom! Zambe wom, akôme dam e vôme ma sobô! ébene jam, ngule ja nyii ma, vôme ya sobô a n'ôyabe yôp!

⁴ Ma bete *tyiñ a jô na: Ékaña'a é bo'o be Nti a me nyiibaneya be besiñe bam.

⁵ Mengata'a y'awu me nga bametane ma, a atôñe mendime ya ntyaman e nga bo me na me ko woñ.

⁶ Mengata'a ya vôme ya miñwuan me nga bômane ma, mevote y? awu me mbe m'ôsu.

⁷ Ôlune viam étam, ma loone Nti, ma yône be Zambe wom. A too *nda njô bôte jé été a wô'ô tyiñe jam, a ñyône wom e be nye wo kui e melo mé.

⁸ Si é nga su'uban a fô'ôsan, mimbôka'a ya beta minkô mi nga ti'itan a su'uban amu ayaa dé e nga kalane nduan.

⁹ Otita ô nga vame mimbile mi môé mié a nduane ja min é nga kui anyu dé: metye'e me nduan me vamek.

¹⁰ A nga viti yôb a sis afibe *nkut e too nye mebo si.

¹¹ A mbe a too e kérubime yôb a a yele'e e mefabe m'évuñulu.

¹² Dibi e mbe asoé dé a *nda éndelé ja bômane nye; nalé a ne na bivindi mendim a minkut mi n'ékukut.

¹³ Minkut, meta'a a ma'a me nduan bi mbe bi so'o éfufub é mbe ny'ôsu.

¹⁴ Nti a nga bam e yôp, nyô a dañ ôyabe yôb a nga bo na tyiñe jé é wô'é a meta'a a ma'a me nduan.

¹⁵ A nga wua mekoñe m'élaé mé a mialane me. A nga bulane feleves a bo na é tôtan.

¹⁶ Vôme mendim ma lôtan a nga yené. Mimbôka'a y'émo mi nga kuluban, amu ayaa dôé a Nti! amu mfeb évuñulu ya mimbile mi môé miôé.

¹⁷ A same wo wé ô so'o yôp, a bi ma. A dutu ma e beta mendim;

¹⁸ a kôté ma e be ngungule nsiñe wom, e be ba ba vini ma, be too fe ngu a dañe ma.

¹⁹ Be nga basane ma e môse bidime wom; ve Nti a mbe étabe ndi jam.

²⁰ A nga bo na me kui mfa'a ya telé ma *mvo'é, a nga vaa ma amu a nga nye'e ma.

²¹ Nti a nga bo ma ane *zôsôô wom a né. A nga ya'ane ma ane mfubane ya mo mam ô né.

²² Amu me nga ba'ale mezene me Nti, a me nji ke Zambe wom ôyab a évô.

²³ Minjôane mié mise mi ne m'ôsu, a me nji vaa memvinda mé be ma.

²⁴ Ma zu ma wulu *zôsôô mfa'a wé a ma zu ma tabe ntyele ya kop.

²⁵ Nti a ya'aneya ma ane *zôsôô wom a né, ane mfubane ya mo mam ô né e mise mé.

²⁶ O ne mba fulu e be nyô a ne mbamba mefulu, *zôsôô e be nyô a ne *zôsôô.

²⁷ Ô n'étyi e be nyô a n'étyi wo yeme tabe ntyel éyoñ ô bili ajô a bezametane mam.

²⁸ Amu wo wo nyii bingôngole bi bôt, a sili mise bivese si.

²⁹ Wo wo bo na éfufube jam é faé; Nti, e Zambe wom, a faé dibi dam éfufup.

³⁰ Amu wo, me ne nguleya tulan nkane bita ô bili mengal mo. amu wo e Zambe wom, me ne yôô aka'a meko'o yôp.

³¹ Mezene me Zambe me ne *mvo'é, ajô Nti ki e ne bebela; a n'ében e be ba bese ba sobô be nye.

³² Amu na za a ne Zambe ye sa Nti, a za a ne kam ye sa e Zambe wongan'

³³ Zambe nye a tiñeti ma ngul angeteñ, a nye a bo na zene jam é bo *mvo'é.

³⁴ A bo na mebo mam me funane ma minkok, a a telé ma mevôm me n'ôyabe yôp.

³⁵ A ye'ele mo mam mewosan, a mo mam ma kolé *élaé mvot.

³⁶ Wo ve ma ébene ya nyiane wôé. Mbo nnôme wôé wo su'u ma. A mvame jôé ja bo me na me bo beta môt.

³⁷ Wo bo na me mate mbil avôl abui mebo teke kolé.

³⁸ Ma titane besiñe bame mvus a koone be, a me nji bulane mvus te na me mane jiane be.

³⁹ Ma wôé be a be se nguleya beta tebe tetele; ba ku e mebo mame si.

⁴⁰ Wo jalé me ngul angeteñ asu mewosan, wo viti besiñe bame si be ma.

⁴¹ Wo kalane mvuse besiñe bame be ma, ma ye tooé ba ba vini ma évô.

⁴² Ba yôn, ve teke môt a nyii be; ba yône be Nti, nye teke yalane be!

⁴³ Ma ko'o be ane mbulu'u évuñulu ja kee wô. Ma vose be ane mboto'o ya minjoñ.

⁴⁴ Wo bo me na me fame melumane me bôt; wo telé ma évete meyoñe bikuu; ayoñe bôt me nji yem da saane ma.

⁴⁵ Ba bo ma mewôk abendé ôsu, bone be mone bikuu ba du'u ma;

⁴⁶ bone be mone bikuu be te'eya, ba vam aleme dab été be fô'ôba'an.

⁴⁷ Nti a tabe'e nnôm éto a akôm ako'o dam e bo'o ébotan, Zambe ya nyiane wom a nyoñe duma.

⁴⁸ E Zambe a ve ma akuna'a, nyô a futi *meyoñ me bôt éjôé jame si.

⁴⁹ Nyô a bo na me tube besiñe bam! Wo bete ma yôb e be besiñe bam. Wo kôté ma be môt a n'ékotekot.

⁵⁰ Ajô te nde ma ye kañe wo e meyoñe bikul été, a Nti! A ma ye yia duma ya jôé dôé bia.

⁵¹ A kañese beta minkôtan asu njô bôte wé. A ne *mvam e b'éñwé a ne *ñwo'one mbon, e be David a mvoñe jé nnôm éto.