BESAM 145 - Kalate Zambe Nnomo a Mfefe Mfefé Nkôñelan

Ejôé jôé é ne éjôé ya nnôm éto

¹ A Zambe wom, wo njô bôt, ma ye kañete anene dôé, a liti na ma yem nnôm éto ya abim mam ô boya.

² Ma ye bo de melu mese, a kañe wo teke'e amané.

³ Nti a ne amu da yiane na be kañe nye mezene mese anene dé é ne teke'e nné.

⁴ Mmiaé bôt ôse, ô kate wu wo tôñe wô jam ô nga bo a kañete wô beta mindañane miôé!

⁵ Ma kômbô kobô ajô ya éjijine jôé; e duma dôé, a étôto'o jôé; a bo nkañete ya bitua bi mam biôé.

⁶ Be kobô'ô ajô ébubua ya ngule jôé! ma, ma ye lañ beta mimboone miôé,

⁷ be beta'a simesane beta mimboone miôé, a be yôta'ane mboone mam wôé a mevak!

⁸ Nti a ne mvaé a nkoon éngôngol, ôjibi a beta *mvam abui.

⁹ Nti a ne mvaé e be bôte bese, nye'ane wé wo ke a kui be bôte bese a nga té.

¹⁰ Balé bete bese, be kañe wo, A Nti *bebuni bôé be liti'i wo mvean akéva wop!

¹¹ Be kobô'ô ajô ya duma éjôé jôé; be katek jé nje ô ne nguleya bo!

¹² Nalé ba ye ye'ele bôt be vee mindañane miôé a beta duma a étôtok ya éjôé jôé.

¹³ Ejôé jôé é ne éjôé ya nnôm éto, njôan wôé wo tabe a tulan mmiaé bi bôt mise Nti a ne ntôé mengaka'a mé te selan, jam ése a bo é bili ndem ya mvaé jé.

¹⁴ Nti a suk ba bese be kuya, a telé tetele ba bese be te'eya.

¹⁵ Bese ba lôbô wo, be yange'e na ô ve be bidi éyoñ ja yian.

¹⁶ Wo wo kui wo wôé, a jalé minkômbane ya jôm ése é vee.

¹⁷ Ntôane mame ndi wo yené mfa'a ya mam mese a bo, a *mvam jé mfa'a ya jam ése a bo.

¹⁸ Nti a ne bebé e be ba ba loone nye, ba bese be ne te bisô *nlem éyoñ ba loone nye

¹⁹ a yalane minja'ane mi bôte bé, a nyii be nné ane a wôk nloone wop.

²⁰ Nti a kamane ba bese ba nye'e nye, ve a jiane mbia be bôte bese.

²¹ Tyiñe jam é vee é va'a Zambe a ne étyi akéva, nnôm éto a nnôm éto!