BESAM 142 - Kalate Zambe Nnomo a Mfefe Mfefé Nkôñelan

Nti susu'a vôm ya sobô mfa'a môt ba tibili

¹ Sam David: éyoñ a mbe e mbas akok été: meye'elan.

² Ma yône be Nti a tyiñe jam ma liti nye minja'ane miam a tyiñe jam,

³ Jam ma kômbô asu dé, ma yané ôlune viam ôsu vié.

⁴ Eyoñ ma jañele ayok *nlem, wo wo yem vôm ma ke. Zen ma ke ôsu be lameya ma ôlam.

⁵ Fombô'ô mefefele mam a yene de: teke'e môt a nyoñe ma ngap; me nji ke fe bi vôm mfe éziñ ya sobô, teke'e môt a bisi ma.

⁶ A Nti, ma loone wo ma jô wo na: Wo ô ne vôm ma butubu, jam da dañe ma mvaé mfa'a wom mamien e si bia nyiñ été nyô.

⁷ Ke'e alo a vô'ôlô ñyône wom amu ô lô me suubaneya si a dañe nné nyi'i ma e be betibili bam, be ne mbia ya ngu a dañe ma.

⁸ Bo'o na me kui mimbôk miam, nalé ma ye kañe wo ézezañe mbôma'ane ya ba ba ko wo woñ, éyoñ wo ye bo ma mvaé.