BESAM 14 - Kalate Zambe Nnomo a Mfefe Mfefé Nkôñelan

Akut a abé ya bôt

¹ Sam David asu évete beyia bia.

² Akute môt da jô e nleme wé été na: Zambe a ne momo! Be maneya zametane mam, be maneya bo beangôndô be mam; teke wua a bo mvaé.

³ Nti a fombô bone be bôt a too yôb été na, a yen nge môt éziñ a ne bi fek a ne, nyô a jeñe Zambe.

⁴ Bese be dimiya fé, bese be ntoo nzametan nzametan, teke môt a bo mvaé, momo, teke ve wuwua.

⁵ Ba bese ba bo ékotekot ye be nji bi ñyeman' Ba ba di bôte bam ane ba di bidi' Be nji loone Nti!

⁶ Vôm ate ba ye fô'ôban a woñ, éyoñe Zambe a ye yené ézezañe mvoñe bôt é ne *zôsôô.

⁷ Mia kôñelane minkômban mi éngôngole môt mi bo ôson mfa'a wé. Nti a ne asoé dé.

⁸ Za a ye bo nyian Israél na ô so Sioñ' Eyoñe Nti a ye soo minkôme ya bôte bé, Yakob a ye fôn a Israél a ye vak.