BESAM 136 - Kalate Zambe Nnomo a Mfefe Mfefé Nkôñelan

Akéva amu nyii bôt ya Israél

¹ Kañane Nti, amu a ne mvaé amu nye'ane wé ô ne teke'e man!

² Kañane Zambe a dañe bezambe bese, amu nye'ane wé ô ne teke'e man.

³ Kañane Nti nye a jôô bôt teke'e mfete amu nye'ane wôé ô ne teke'e man.

⁴ Nye étam a bo beta bitôtok bi mam, amu nye'ane wé ô ne teke'e man.

⁵ Nye a ne nkôme biôm a nga bo yôp, amu nye'ane wôé ô ne teke'e man.

⁶ A nga beté si e mañe yôp, amu nye'ane wé ô ne teke'e man.

⁷ A nga bo ngon a jôp a ateté, amu nye'ane wé ô ne teke'e man.

⁸ Jôp e jô'ô a *môs, amu nye'ane wé ô ne teke'e man.

⁹ Ateté a ngon mfa'a ya jôô a alu, amu nye'ane wé ô ne teke'e man.

¹⁰ A nga bo na mintôle mi bone mi bôte ya Ejipte mi wu, amu nye'ane wé ô ne teke'e man.

¹¹ A nga vaa ayoñe dé Israél Ejipte, amu nye'ane wé ô ne teke'e man.

¹² Nyili a mbe mboon wo toé bôt fek ne vema amu nye'ane wé ô ne teke'e man.

¹³ A nga kandé évele mañ zañ tañ ngap ébaé amu nye'ane wé ô ne teke'e man.

¹⁴ A bo na ayoñ Israél e lôte été, amu nye'ane wé ô ne teke'e man.

¹⁵ Ve a nga bo na nkan bita Faraoñ ô ku, amu nye'ane wé ô ne teke'e man.

¹⁶ A nga li'itan ayoñe dé *nkôte si, amu nye'ane wé ô ne teke'e man.

¹⁷ A nga wôé biwôlô bejôô bôt, amu nye'ane wé ô ne teke'e man.

¹⁸ A nga jiane bejôô bôte be ne ngu, amu nye'ane wé ô ne teke'e man.

¹⁹ A mbe Sihoñ njô bôt Beamorite, amu nye'ane wé ô ne teke'e man.

²⁰ A Og, njôô ya Basañ, amu nye'ane wé ô ne teke'e man.

²¹ A nga ve si jap ane élik. Amu nye'ane wé ô ne teke'e man.

²² Ane élik Israél mbo ésaé wé, amu nye'ane wé ô ne teke'e man.

²³ Njuk wongan été a nga simesane bia amu nye'ane wé ô ne teke'e man.

²⁴ A nga kôté bia mo besiñe bangan, amu nye'ane wé ô ne teke'e man.

²⁵ A ve bitétéa bise bidi, amu nye'ane wé ô ne teke'e man.

²⁶ Akéva e bo'o be Zambe ya yôp amu nye'ane wé ô ne teke'e man!