BESAM 135 - Kalate Zambe Nnomo a Mfefe Mfefé Nkôñelan

Ma yeme de na, Nti a ne a nen

¹ Alléluia, ényiñ é bo'o jôme Nti! kañane Nti Kañane Nti mia bôt mia wumu nye,

² mi tele *nda Nti é ne étyi été, e minseñ ya *nda Zambe wongan.

³ Kañane Nti amu a ne mvaé; kañane nye a bibômebômé, amu a nyoñe bôt a ôsesa.

⁴ Nti a nga top émien Yakob nde a nga bo Israél jôm ja wôk a émien.

⁵ Yaa, ma yeme de, Nti a ne anen; ñye'ele wongan a dañe bezambe bese;

⁶ Nti a bo mam mese a kômbô yôp été a si nyô mañ yôp a bido'o biap été.

⁷ A bo na minkut mi bet mi so'o susu'a si, a wua feleves mfa'a ya soñ mveñ, a suu bivuñulu na bi vuñ,

⁸ Nye Ejipte é nga bo na mintôle mi *bon mi wu ataté bôt akui biyem.

⁹ E be bôt a nga lôm a nga bo bitua bi mam bi ne njalan a atinan a fek ne vema ézezañ jôé été, Ejipte! A wosane Faraoñ a belo bé bese.

¹⁰ A nga dañe *meyoñ abui bita a wôé biwôlô bejô bôt;

¹¹ be mbe na Sihoñ njô Beamorite, a Og njôô ya Basañ, a bejôô bese ya Kanaan.

¹² A nga ve Israél ayoñe dé, mesi map ane bilik, ane élik ya Israél.

¹³ A Nti, éyôlé jôé ja ye wum nnôm éto aso mmiaé mi bôt mise ô ne Zambe.

¹⁴ Yaa, A Nti, tyi'i ayoñe dôé ajô *zôsôô, a ji'a wô'ôtane jam é ne ntiñetane be bekañe bé

¹⁵ Bengunemelane ya *meyoñ be ne argent a or mboone mo me bôt.

¹⁶ Be bili anyu, ve teke kobô be bili mis, ve teke yen;

¹⁷ be bili melo, ve teke wôk. Be nji bi évuñulu menyu map.

¹⁸ Bôte be nga kôme be be bo'o fe ane be, a nalé fe, môt ase a ve ndi nleme jé e be be!

¹⁹ Mia *meyoñ ya Israél, va'ane Nti akéva. Mia betuni ya mvoñe bôt Aron, va'ane Nti akéva,

²⁰ *nda bôte Lévi va'ane Nti akéva mia mia ko Nti woñ va'ane Nti akéva!

²¹ Beta akéva a so'o Yérusalém asu Nti nye a bili éto jé nkôle Siôn yôp; Alléluia, ényiñ é bo'o jôme Nti!