BESAM 128 - Kalate Zambe Nnomo a Mfefe Mfefé Nkôñelan

Mvom * bebuni , ébotan a bôt be too Zambe mebun

¹ Ebotan a ba bese ba ko Nti woñ, ba tôñe *zen a nga kôm!

² Wo wo ye bu'uban a mfi ya ésaé jôé aka'a ébotan wo ye bi amu mam mese ma ye wulu wo *mvo'é!

³ Nda jôé, minga wôé a ye bo ane ndik woon ô ne atek, a bone bôé ba ye bômane tebele wôé ane bisôsoñ bilé bi ôlive.

⁴ Avale te nde môt a ko Nti woñ a ye nyoñ ébotan.

⁵ Nti a bota'ane wo a so'o *nda Zambe ya Siôn! Nalé nté ôse wo ye nyiñ, wo ye bu'ubane mvaé ya Yérusalém,

⁶ a wo ye yene bone ya bone bôé. Ebotan é veba'an e be Israél!