BESAM 127 - Kalate Zambe Nnomo a Mfefe Mfefé Nkôñelan

Nge Zambe a bo te lôñe nda

¹ Nge Nti a bo te lôñe *nda, belôñe menda ba ve bebiene njuk zesé. Nge Nti a bo te nonô tison, e ne zesé jame na benonô be ba'ale je.

² E ne zesé jam na mia fe, mia kune kôlô si, mia tabe évévé ayap, a mia wu njuk na mi bi bidi ya di. Nti a ve ñhe bie bôt abim dada, e be ba *a nye'e éyoñ ba ke ôyo.

³ Ma'an me Nti a ve ñhe le: *bon, nya akumu ya *nda bôt.

⁴ Bone ya môt a bili éyoñ a ne ndôman be ne ane bilaé bebo bita.

⁵ Ebotan a môt a ne jalé bie mfek wôé été ne lut! A ye bo te silibane si éyoñ a wosane besiñe bé, e *mbé akak ya tison.