BESAM 124 - Kalate Zambe Nnomo a Mfefe Mfefé Nkôñelan

Nge Zambe a nga ye bo te bo éñwongan

¹ Jia ya mbetan. Sam David. Nge Zambe a nga ye bo te bo éñwongan. Israél a ba'ala'an.

² Nge Zambe a nga ye bo te bo éñwongan, éyoñ bôt be nga tebe a wosane bia,

³ éyoñ ayok dap é nga yôñ a tebe bia ngame yat, be nga ye mine bia bi vee.

⁴ Eyoñe te nlôt ôsôé ô nga ye mane kee bia, Asôk é nga ye mane yandane bia.

⁵ A mendim ma kundi me nga ye lôte bia yôp.

⁶ Akéva a Nti amu ô nga bo te li'i bia ane jôm ba bi ézezañe mesôñe map été!

⁷ Bi nga vaa biabebien aval ane ônon wo sotan avot ya ñwôé anon. Avot é nga nyaé ane bi nga bo fili.

⁸ Mvolane wongan wo so be Nti émien nye a nga té yôp a si.