BESAM 122 - Kalate Zambe Nnomo a Mfefe Mfefé Nkôñelan

Nkômbane ya * mvo'é asu Yérusalém

¹ Jia ya mbetan Sam David. Aka'a avak, éyoñ be nga jô ma na: Bia ke *nda Nti!

² Mebo mangan me su'ulaneya fo'o tebe e be wo, a Yérusalém,

³ Yérusalém, tison é ne abeñe nlôñan. Nye minka'alé mivok mia bômane.

⁴ E be wo nye *meyoñ ya Israél, *meyoñ me Nti ma zu ke dulu étyi ya ke kañ, ya ke kañe Nti, nalé nye a ne ntiñetan Israél.

⁵ E *nda jôé e nje fe éto njôane mvoñe bôt David é né, vôm a tabe a tyi'i mejô *zôsôô.

⁶ Sila'an *mvo'é asu Yérusalém: Ba ba nye'e wo a Yérusalém, be va'ak amu évôvoé!

⁷ Mvo'é é tabe'e mimfine miôé a évôvoé abeñe menda môé été!

⁸ Mfa'a nye'ane ya bôte bia be be bi too, a bo bijañ, ma tame wo mbamba be mam ya *mvo'é.

⁹ Amu nye'an ya *nda Nti Zambe wom, ma sili *mvo'é a *mvam mfa'a wôé.