BESAM 116 - Kalate Zambe Nnomo a Mfefe Mfefé Nkôñelan

Meye'elan ya môt ba vaa awu été

¹ Ma nye'e Nti, amu a wôk ma éyoñe ma loone nye.

² A nga kee alo dé be ma, alo da tu'a vô'ôlô. Enyiñe jam ése ma ye loone nye.

³ Awu é nga bili ma nka'an a ngôkop, me nga li'i étam étam a *nlem njalan a ôlun.

⁴ Nde me nga yôtane jôé Nti wom: Eh! A Nti nyi'i ma!

⁵ Nti a ne *mvam a ntôé mam; Zambe wongan a ne *nlem njalan a nye'an.

⁶ Zambe a ba'ale ba ba ve ényiñ tyi'ibi, éyoñ me nga ku a silibane si, a nga nyii ma.

⁷ Nkelan, ma yiane beta yen évôvoé jam, amu Zambe a boya ma mvaé.

⁸ Yaa, ô nga wôlé ma, a vaa ma awu été, A Nti, ô nga fimi mili'i mam, ô nga bo na me bo te daa abo da wua ma ébé été.

⁹ Si nyô nje ô nga ve bevevee ma ye wulu fo'o ve vôme Nti a kee mis a lôbô'

¹⁰ Me nga ba'ale mbunan, ja'ana éyoñ me nga ba'alane na: Ma fo'o me ntele éngôngole été nyô!

¹¹ Me nga jañele fek akui me nga jô na: Môt a se nguleya tabe môte mfe mebun.

¹² Ma ye ve Nti jé' Mfa'a ya abui mvaé a nga bo ma'

¹³ Ma ye bete *élaé ya nkôtane yôp, a yôtane jôé Nti wom.

¹⁴ Jam me nga ka'a Nti ma ye de bo ayoñe dé ése é tele.

¹⁵ Nti a wôk mintaé éyoñ a yen awu ya *bebuni bé

¹⁶ Eh! A Nti, me ne mbo ésaé wôé, yaa, mbo ésaé wôé a nga bialé be mbo ésaé minga wôé! Ô kuliya mengata'a mam.

¹⁷ Mfa'a ya kañe wo, ma ye ve wo metuna'a a kañete *tyiñ yôp za nye ô né.

¹⁸ Jam me ka'aya Nti, ma ye bo de ayoñ dôé ése é tele,

¹⁹ minseñ ya *nda jôé é ne étyi, ézezañe wo, Yérusalém, Alléluia! Enyiñ é ne jôme Nti.