BESAM 110 - Kalate Zambe Nnomo a Mfefe Mfefé Nkôñelan

Njô bôt a ntuni

¹ Ngule njôane Nti Zambe a jô Nti njô bôte wom na: Za'a tabe si mbo nnôme wom, ma zu yemete a bo a ngul ése na besiñ bôé be bo ételé mebo jôé.

² Ataté *nda Zambe ya Siôn Nti a ndamé'é éjôé é ke ôyap! ve wo jôô besiñ ba bômane wo a ngu.

³ Bôte be ne biwôlô be kele li'itane wo môse wu ñwô wo kôane nsamba mewosane wôé. E minkôle mi ne étyi bisoé bi bôte biôé bia zu be wo, aval ane élok ja bialé ndip tyé.

⁴ Nti a maneya kane ngana a ye bo te tyendé je: O ne *ntuni nnôm éto, aval'ane Melkisédék.

⁵ Nti a ne mefefele môé. Môse ya ayaa dé a fite bejôô bôt,

⁶ a liti ntyi'ane mejô wé *meyoñ me bôt été, a jalé minje'ese a mimbim, a ko'o bivet ya ngumba abôta si.

⁷ E *zen, njô bôt a ke nyu mendim ôtôñ, mvus éte a beta bete nlô wé yôp.