BESAM 108 - Kalate Zambe Nnomo a Mfefe Mfefé Nkôñelan

Ma kômbô vele ndibe tyé ôyo

¹ Jia sam David.

² A Zambe, ma le, njalan a ntyi'an *nlem été na, ma kômbô yia wo bia a se'e wo a *nlem wom ôse.

³ Kôla'ane si, nkul a ngom: amu ma yiane vele ndip tyé ôyo.

⁴ A Nti, ma kômbô kañe wo ézezañ bôt be too *si nyô, a wumu wo asu *meyoñ me bôt,

⁵ amu beta mvame wôé a bet ôyap yôp a dañe yôp a ntôan minjôane wôé ôyap yôp a dañe minkut.

⁶ A Nti, liti'i anene dôé nde da dañe yôp, a duma dôé e faé *si nyô ése!

⁷ Bo'o jam éziñ, za'a volô ma a yalane ma, nalé bemvôé bôé ba ye yen ényiñ.

⁸ Zambe a nga kobô a too étôto'o Nda jé été: Ma me ne ndañan! ma ye kabe tisone Sikem, a bek nje'ese ya Sukôt bifus.

⁹ Galad a ne éñwom, ma fe me ne Manasé. Efrayim a ne ékôngô jam, a Yuda a ne *ntum éjôé wom,

¹⁰ Môab a ne ve fandé vôm ma woban me bili mam ma yiane sili Edom, nde ma wua ékôndé jam wé. Ma kuli ñyône mewosane asu si ya Filisi.

¹¹ Za a ye kuli ma Edom' Za a ye ve ma tison nje é ne nlôñan a nka'alé *mekok,

¹² ye sa wo Zambe' Ve ô wuaya bia fé, a te fe li'itane minkane bita miangan.

¹³ Za'a volô bia bi dañe besiñe bangan, amu bôt ba ve mvolan ô ne te libi.

¹⁴ A Zambe bia ye dañ, amu Nye a dume besiñe bangane si.