BESAM 101 - Kalate Zambe Nnomo a Mfefe Mfefé Nkôñelan

Njô bôt a be'e ayem asu Zambe na a ye semé metiñ

¹ Ma ye yia mbamba nlem a zôsôô bia; a Nti wo ma ye yia bia!

² ma ye tabe ntyee ajó zen é ne zôsôô Wo ye zu be ma éyoñ évé' nalé ma ye wulu e te bijô ya *nleme wom, ézezañe ya nda jam, nlem ó too te bijô.

³ Teke jóm éziñ é ne abé ma ye telé ôsu viam ma vini mboone bebo abé; mboone te wo ye bo te lu'an a ma.

⁴ Nlem wo bo abé wo ye ke ma ôyap; Me nji ke kômbô yem mbo *abé.

⁵ Nyô a so'é môte mbok asoé, ma ye jiane nye. Nyô a be'e mise bives a nleme mebun ma ye bo te su'u nye

⁶ Mise mam ma ye fombô e bôte ya buni be ne si jangan, asu ya na be tabe fefele jam. Nyô a wulu e zen é ne zôsôô, a ye bo mbo ésaé wom.

⁷ Nyô a ve émien mboone mvô, a ye bo te tabe nda jam. Nyô a laa minsos a ye bo te tebe e vôm me né.

⁸ Mametyé mese, ma ye jian bebo *abé bese, ya si jangan Asu ya jian ba bese ba bo abé e tisone Nti.