BESAM 1 - Kalate Zambe Nnomo a Mfefe Mfefé NkôñelanBezôsôô a bikotekote bi bôt ba ve'an ( Sam 112 ; 128 ; Yer 3:10 , 11 ; 42:21 ; Yer 17:7-8 ; Mm 14:32; Mt 7:21-27 ; 13:40-43 ; 1 Tim 4:8-9 ; Yak 1:25 ) 1 Ebotan a môt a bo te tôñe melebe bikotekote bi bôt nge tebe zene bebo *abé, nge tabe éto bekpwe'ele bôt. 2 V'a yene mvaé jé e metiñ me Zambe été, a bindi me *nlem môs ba alu. 3 Môt ate a funan élé é ne mbéan e fefel ôsôé, é wumu bibuma bié éyoñe ja yian, mekaé mé me too fe teke viele, a jam ese a bo da wulu ve *mvo'é. 4 Bikotekote bi bôt bi nji bo nalé, bia funan mbuan ñwô ôte évuñulu ja tyamelan. 5 Ajô te bikotekote bi bôt bia ye bo te tebe mvo'é e môse ntyi'ane mejô, nalé fe bebo *abé ékôane bôt be ne zôsôô; 6 Amu Nti a yeme zene bezôsôô be bôt, ve nyô bebo *abé ja ke njañ. |
Bible en langue Bulu © L'Alliance Biblique du Cameroun, 2007, 2015.
Bible Society of Cameroon