BERÔMEÑ 6 - Kalate Zambe Nnomo a Mfefe Mfefé Nkôñelan

Nwuan amu * abé , ve nyiñan amu Yésus Krist

¹ Bia ye ñhe jô aya? Ye bia ye ke ôsu a tabe *abé été nde *mvam ja ye nenenen'

² Teke fo'o bebé! Da ye bo aya na, bi too miñwuan mfa'a *abé, bi beta fe vebe mfa'a *abé'

³ Nge na, ye mia dimi na nge bia bese bi nga duban e be Yésus Krist, nalé a ne na, bi nga duban awu dé été'

⁴ A zene ya nduban awu dé été, e ne na, bi nga jambe bia be nye. Nalé ate, aval ane Krist a nga wômô ñwuan, étôto'o Esaa été, bia fe bia yiane nyiine mfefé ényiñ.

⁵ Amu nge e ne fo'o nalé na bi nga tu'a lat ngume nlatan a fulan awu dé été, da ye fe bo nalé mfa'a ñwômane wé.

⁶ E ntuka'a wô'an ajô di: nnôme môte wongan ô nga tyeléban élé a nye, nde nyôle *abé nyô ja ye ndaman, ane bia ye bo te fe bo belo b'abé.

⁷ Amu na, e nyô a wuya, a kôlôya éto *ôlo ya *abé.

⁸ Ve nge bi wuya bia be Krist, bia buni na bia ye fe nyiñ bia be nye.

⁹ Bia tu'a yeme na, ñwômane miñwuan, Krist a nji fe wu. Awu e nji fe jôô nye.

¹⁰ Amu ñwuan a nga wu, a nga wu mfa'a *abé éyoñe jia ya biyoñe bise. Wôna mfa'a ényiñ, a vee mfa'a Zambe.

¹¹ Avale te fe mia, yenane miabebiene na mi ne miñwuane mfa'a *abé, a bevevee, amu Zambe, e be Yésus Krist.

¹² Jeñane ñhe na, *abé e bo te beta jôô e biwuwua menyôle bienan été a bo mia na mi ve mbia minkômbane mié mewôk.

¹³ Te belane bibu'a bienane mfa'a ya bo *abé, aval ane bikpwelé bia bo ékotekot. Ve aval ane bevevee be bôt ba so miñwuan, bo'one Zambe ésaé a belane bibu'a bienan ane bikpwelé bi *zôsôô.

¹⁴ Amu na, *abé da ye bo te fe jôô mia, amu mi nji fe bo metiñe si, ve e mvame si.

Mboone zôsôô

¹⁵ Nde jé? Ye bia ye bo *abé amu bi nji bo metiñe si, ve mvame si? Teke bebé!

¹⁶ Ye mi nji yeme na, éyoñ mia bo mia bebiene bebo bisaé môt éziñ, aval ane belo mfa'a ya ve nye mewôk, mi ne belo bé, nge a nji bo belo b'abé da kee mia awu été, wôna belo mewôk ma kee mia e mam me *zôsôô été.

¹⁷ E mva'ane Zambe akéva! Amu vôme mi nga to belo b'abé, mi nga ve éve'ela ya nye'elan mi nga nyoñ mewô'ô ma so *nlem.

¹⁸ Nde amu mi kôtébaneya éto belo b'abé, mi ntoo belo be *zôsôô.

¹⁹ Ma kobô ane môt, amu ate'e denane ya minsôn. Aval ane mi nga belane bibu'a bienan ane belo be mam me ne mvin a nzameta'ane, mme ma su'ulan ébiasé mfa'a Zambe, avale te fe bela'ane bie ane belo be *zôsôô, nye ate a kee mia vôme ya bo mia *mfuban.

²⁰ Eyoñe mi nga too belo b'abé, mi nga too beti mfa'a mam me ne *zôsôô,

²¹ za avale bibuma mi nga wum éyoñe te? Eyoñe ji mia wô'ô bie ôson, amu asu'ulane ya été e ne awu.

²² Ve éyoñe ji, amu mi ntoo nkôtane mfa'a éto belo b'abé, mi ntoo belo be Zambe, a mia wume bibuma bia kee mia e *mfuban été; asu'ulane dap e ne ényiñe ya melu mese.

²³ Amu ma'ane m'abé me ne awu, ve mveane zesé Zambe, ô ne ényiñe ya nnôm éto e be Yésus Krist Nti wongan.