BERÔMEÑ 13 - Kalate Zambe Nnomo a Mfefe Mfefé Nkôñelan

Kristen a bejôô bôt

¹ Môt ase a su'u émiene si e be ba ba jôô. Amu teke éjôé é né, nje é nji so e be Zambe. A e bi bi né, bi ne ntelane wé'

² Ajô te môt a wosane njôô, a kañge nta'ane mam, aval ane nkômbane Zambe ô né. Avale bôte te da dutu mekua e be bebien.

³ E ne été na, bejôô be nji bo éko woñ éyoñe môt a bo mvaé, ve éyoñe môt a bo *abé. Ye wo kômbô bo te mate njô bôt, bo'o ñhe mam me ne mvaé, a wo ye nyoñe mese'esa'a mé.

⁴ Amu a ne mbo ésaé Zambe asu mvaé jôé. Ve nge wo bo *abé, wôna ko woñ, amu a nji be'e nkpwaté mekôn ébe'e be'e. Aval ane mbo ésaé Zambe, a kun, a liti ayaa e be mbo *abé.

⁵ Amu ajô te e ne mvaé ya bo mewôk, saa amu woñe ya meleb étam, ve amu ajô mone môte ya nleme fe.

⁶ Nalé ate mia ya'ane *toya. E bôt ba nyoñe nye, be ne nlômane Zambe, asu ya tu'a bo ésaé te.

⁷ Nde va'ane môt ase jôm é ne énjé, *toya, e be nyô a yiane *nyoñe toya, tas, e be nyô a yiane nyoñe tas, woñ, e be nyô ba yiane ko woñ, ésemé, e be nyô a yiane nyoñ ésemé.

Nye'an e zañe bobenyañ

⁸ Te biane môte mvôla, vengevenge ve mvôla nyô na mi nye'esane mia mia. Amu nyô *a nye'e môt a ne nye bebé, a jaléya nkômbane ya metiñ ne lut.

⁹ E ne été na, metiñ aval ane: te bo *mejian, te wôé môt, te nyamete, a ma mevo'o mese, ñwômesane ya mese, ô ne éfia jina été na: Wo ye nye'e môt a ne wo bebé ane wo nye'e womien.

¹⁰ Nye'an ô ne te bo môte mfe *abé. Ajô te nye'an ô ne mboone metiñ ô ne ngum.

Awolo ya vee ôyo

¹¹ Mia yem aval éyoñ avé nde bi ntele di: awolo ya vee ôyo wônan nde di. E ne été na, e môse wu, nyiane wo dañe bia bebé a lôte éyoñ bi nga buni.

¹² Alu e ntoo abui, môse ñwô ô ntoo bebé. Nwu'ane mimboone mi mame me dibi e fé a, e njaane biôme mewosane bi éfufup.

¹³ Nwula'ane *zôsôô, aval ane a *môs, saa e mbia ndian a e nso'one bilam, saa ébamba a e mbia bivôé, teke mintañete nge *aban.

¹⁴ Ve mi jaane Nti Yésus Krist, a te veane miabebien e mame ya minsôñ, amu ajô ya jalé mbia minkômbane mienan.