Am 8 - Kalate Zambe Nnomo a Mfefe Mfefé Nkôñelan

Ñyenan nkoé bibuma

¹ Nti a nga liti ma ñyenan ôfe: ô lôô nkoé bitôtôlô bibuma,

² ane a nga sili me na: Ô lôô jé a Amôs' Ane me nga yalane na: nkoé bitôtôlô bibuma. Ane Nti a nga jô me na: Eyoñ asu'ulan é kpwaneya mfa'a ayoñe dam Israél, ma ye bo te beta tyendé ôsimesan me bili mfa'a wé éyoñ éfe, na me ve nye *melep.

³ Môs ôte, bia ya *nda njô bôt, bia ye bo mintat, nalé Nti Nyô a ne Nti a jô. Vôm ase, ba ye wua bizu'u mimbime fé, teke zô'é.

⁴ Vô'ôla'an ajô di, mia mia mine *nzôzoé, a kômbô jaa bingôngole bi bôt bise ya si.

⁵ Mia jô na: mfefé ngon wo ye lôt éyoñ évé, ane bia ye kuane bidi biangan' Sabat a ye man éyoñ évé, ane bia ye yooé mengune mangan' Bia ye sé'é ôve'e wongan, a beté tañe nkuan; bia ye belan kob é ne ékotekot mfa'a ya du'u bôt.

⁶ Bia ye kuse mimbubua a moné, a kuse ke *nzôzoé a fia besilefase jia, a bia ye kuan bivio bi fôn.

⁷ Nti a kaneya ngana e mebun me Yakob yôbe na: ma ye bo te vuane mboone wua ya mimboone miap.

⁸ Amu nalé, ye si ébien fe ja ye bo te tyamban, a ye bôte bese y'été ba ye bo te ku ôlun été' Si ja ye yaé ése ane éfufup; ja ye kui ndôn a sis an'ôsôé Nil.

⁹ Môs ôte, nalé Nti a jô, ma ye bo na jôp é dim e zañ môs a na dibi é yandane si e menganda *môs.

¹⁰ Ma ye veñesane mebô'ô menan me bo ôlun, a bia bienan bise bi veñesane miñyôn; mengeteñ mese ma ye jaé minkuta, a minlô mise mia ye be'e meyan. Si ése ja ye ku e beta ôlun été, éfunan ane vôme bôt ba yi atyi'i mon: melu mé ya ôsu ma ye bo ve ayôle *môs.

¹¹ Ô lôô melu ma zu, nalé Nti a jô, ma ye kuli mfumbale si, saa nyô bidi, nge mendim, ve nyô ñwô'ane mejô me Zambe.

¹² Bôt ba ye ke ba ndeñ ataté abôñe mañe di a kui di avok; ataté akôé a kui e jôbe da tôô: ba ye ke ba ndembe jeñ ajô Nti, ve ba ye bo te yene de.

¹³ Eyoñe te mimben mi bobebinga a bendôman ba ye ku som amu évé.

¹⁴ E mbe ba kane ngana, e ntyamane mam me ne étyi ya Samari yôp a jô na: A Dañ, e Zambe wôé a tabe'e nnôm éto! Nalé fe nkômane mame me nkañan ya Birséba ô tabe'e nnôm éto! Ve ba ye ku a bo te nguleya beta tebe tetele.