1 Minkte 7 - Kalate Zambe Nnomo a Mfefe Mfefé Nkôñelan

Mvoñe bôte Isakar

¹ Bone b'Isakar: Tôla, Pua, Yasub a Simrôn Bôte benyin.

² Bone be Tola: Uzi, Refaya, Yeriél, Yamayi, Yibsam a Samuel, bivete ya *nda bôte Tôla, biwôlô bi bôte ya mebialé map; tañe bôte jap, melu me David, é mbe toyini mewôm mebaé a ébaé a mintete misaman.

³ Bone be Uzi: Yizraya. Bone be Yizraya: Mikaél, Abdias, Yôél, Yisiya, bese bivete bitan;

⁴ be nga bili bôte ya minsamba bita asu mewosan toyini mewôm mela a ésaman, amu be nga bili abui binga a *bon, be nga bili be aval'ane mebialé a menda me bôte map me mbe.

⁵ Bobenyañe bap, avale mebum m'Isakar mese me né, biwôlô bi bôte ya bita, be mbe bese nlañan bôte toyini mewôme muam a zamgbwa.

Mvoñe bôte Bényamin

⁶ Bone be Bényamin: Béla, Béker a Yediaél, bôte belaa.

⁷ Bone be Béla: Hesboñ, Uzi, Uziél, Yérimôt a Iri, bivete bitane ya menda me bôte map, biwôlô bi bôt, nlañan tañe bôte toyini mewôm mebaé a ébaé a bôte mewôm mela a benyin.

⁸ Bone be Zéker: Zemira, Yôak, Eliézer, Elyoénayi, Omri, Yérémôt, Abiya, Anatot a Alamét, be bese e bone be Béker,

⁹ nlañan ane mebialé map me né, be too bivete ya menda me bôte map, biwôlô bi bôt tañe toyini mewôm mebaé a mintete mibaé.

¹⁰ Bone Yediaél: Bilan; bone be Bilan: Yeuk, Bényamin, Ehud, Kenaana, Zétan, Tarsik a Ahisahar,

¹¹ be bese be too bone be Yediaél, Bivete ya menda me bôte map, biwôlô bi bôt tañe toyini awôm a zamgbwa a mintete mibaé, be too nguleya kui atan be be'e mengaa asu mewosan

¹² Supim a Hupim, bone be Ir; Husim e mone Aher.

Mvoñe bôte Néftali

¹³ Bone be Néftali: Yatsiél, Guni, Yétsér, Salum, bone be Bila.

Mvoñe bôte Manasé

¹⁴ Bone be Manasé: Asriél nye ébone jé, ngone Sirieñ é nga biaé; a nga biaé fe Makir, ésaa Galad.

¹⁵ Makir a nga lu'u Hupim a Supim binga. Kale jé é mbe jôé na Maaka. Jôé e mona baa e mbe Selôfhad; Selôfhad a nji ke biaé bobebinga.

¹⁶ Maaka e minga Makir, a nga biaé monafam, nde a nga yôlé nye jôé na Pérés; monyañ a mbe jôé na Serék a bone bé be mbe Ulam a Rékém.

¹⁷ Bone be Ulam: Bedan. Bone be Galad mbe le, e mone Makir, e mone Manasé.

¹⁸ Kale jé jôé na Hamôlékét a nga biaé Ishôd, Abiézer a Mala.

¹⁹ Bone be Semida be mbe na: Ayan, Sikem, Likhi a Aniam.

Mvoñe bôt Efrayim

²⁰ Bone b'Efrayim: Kutela; Beréd e mone wé; Tahat e mone wé; Eléada e mone wé; Tahat e mone wé;

²¹ Zabad e mone wé; Kutela e mone wé; Ezér a Eléad. Bôte ya Gat be ne bebialébialé ya si éte a nga wôé be amu be nga siliki na be mane nyoñe be mimbame biyeme miap.

²² Efrayim ésaa wop, a nga tabe ôlun été a ayap, a bobenyañ be nga zu volô nye *nlem.

²³ Ane a nga jô'ôbô nga, nye ve nyoñ abum a biaé monafam; a nga yôlé nye jôé na Beria, amu a nga bili minjuk e *nda jé été.

²⁴ A nga biaé monaminga jôé na Kééra nye a nga lôñe Bétôroñ ya nké a Bétôroñ ya akôé, a Uzén-Kééra.

²⁵ Refa, e mone wé, a Réséf; Téta e mone wé; Tahan e mone wé;

²⁶ Laédan e mone wé; Amihud e mone wé; Elisama e mone wé;

²⁷ Nôn e mone wé; Yasua e mone wé.

²⁸ Bétél a minlame mié bi mbe ngabe jap a be nga bili Gézér a minlame mié mfa'a jôp da dim.

²⁹ Bone be Manasé be nga bili Bétsean a minlame mié; Megidô a minlame mié, Dor a minlame mié. E nne bone be Yôsep, e mone Israél, be nga too bitison bite.

Mvoñe bôt Azér

³⁰ Bone b'Azér: Yimna, Yisva, Yisvi a Beria; a kale jap Sara.

³¹ Bone be Beria: Héber a Malkiel. Malkiel a ne ésaa Birzavit.

³² Héber a nga biaé Yaflét, Kômer Hôtam a kale jap Kua.

³³ Bone be Yaflét: Pasak, Bimhal a Akvat. Bone be Yaflét mbe le.

³⁴ Bone be Semer: Ahi, Rôhéga, Huba a Aram.

³⁵ Bone be Hélém, monyañe wé: Sôfa, Yima, Selek a Amal.

³⁶ Bone be Sôfa: Sua, Harnéfer, Kual, Béri, Yimra,

³⁷ Betser, Hok, Sama, Silka, Yitrañ a Beéra.

³⁸ Bone be Yéter: Yefuné, Pispa a Ara.

³⁹ Bone be Ula: Ara, Haniél a Ritsia.

⁴⁰ Balé bete bese be mbe bone b'Azér, bivete ya menda me bôte map, biwôlô bi bôt asu mewosan bivete ya bejô bôt, be too nlañan be bili fe mengaa asu mewosan bôte tañe toyini mewôm mebaé a ésaman.